web counter
LEXO PA REKLAMA!

SHKARKO APP

App Store
Google Play

“Rusia po përpiqet të fitojë kohë”/ Zelensky tregon pakënaqësitë për negociatat e armëpushimit

20 Maj 2025, 17:40, Kosova & Bota CNA

 “Rusia po përpiqet të fitojë kohë”/ Zelensky

Rusia po përpiqet të fitojë kohë për të vazhduar luftën në Ukrainë, tha Presidenti Volodymyr Zelensky këtë të martë, duke reaguar ndaj bisedimeve të kohëve të fundit lidhur me presidentin rus Vladimir Putin. Deklarata e Zelensky vjen pas telefonatës së tij me Presidentin finlandez Alexander Stubb, gjatë së cilës udhëheqësi ukrainas i tregoi homologut të tij për telefonatën e tij të 19 majit me Trump, si dhe për bisedimet e këtij të fundit me Putinin.

"Është e qartë se Rusia po përpiqet të fitojë kohë për të vazhduar luftën dhe pushtimin. Ne po punojmë me partnerët tanë për të ushtruar presion mbi rusët që të ndryshojnë sjelljen e tyre",- tha Zelensky në platformën ‘X’.

Zelensky falënderoi partnerët që vazhdojnë të vendosin sanksione ndaj Rusisë për agresionin e saj në Ukrainë dhe theksoi se lufta duhet të përfundojë në tryezën e negociatave.

“Propozimet e qarta dhe realiste duhet të jenë në tryezë. Ukraina është gati për çdo format efektiv negociatash. Dhe nëse Rusia vazhdon të paraqesë kushte jorealiste dhe të minojë rezultatet e mundshme, duhet të ketë pasoja të ashpra”,-tha Zelensky, sipas mediave ukrainase.

Vërejtjet e Zelensky-t përkojnë me sanksionet e reja të zbuluara nga BE dhe Mbretëria e Bashkuar më 20 maj, të cilat synojnë anijet e flotës në hije, subjektet që ndihmojnë Rusinë të shmangë sanksionet, aktorët e përfshirë në sektorin ushtarak të Rusisë, operacionet e informacionit dhe ato hibride, etj./CNA





Lajmet e fundit nga