web counter
LEXO PA REKLAMA!

SHKARKO APP

App Store
Google Play

Pritja e madhe në Vatikan/ Papa Leo XIV takohet me Kryegjyshin Botëror të Bektashinjve dhe gazetarin Samarxhi

19 Maj 2025, 15:59, Kosova & Bota CNA

Pritja e madhe në Vatikan/ Papa Leo XIV takohet me Kryegjyshin Botëror

Paraditen e ksaj të hëne, Ati i Shenjtë, Papa Leo XIV, priti në Vatikan përfaqësuesit e gjithë besimeve të ndryshme të botës. Në fjalën e tij, Ati i Shenjtë theksoi marrëdhëniet mes Kishës Katolike dhe myslimanëve dhe e vlerësoi si një raport me përkushtim në rritje.               

 “Marrëdhëniet ndërmjet Kishës Katolike e myslimanëve karakterizohen nga një përkushtim në rritje për dialogun dhe vëllazërimin, favorizuar nga vlerësimi për këta vëllezër dhe motra, të cilët adhurojnë Zotin e vetëm”,-u shpreh Papa.

Me këto fjalë, Papa Leo XIV priti në audiencë përfaqësues të Kishave e bashkësive të tjera të krishtera, si edhe ata të feve të tjera.

 “Ky qëndrim i bazuar në respektin e ndërsjellë dhe në lirinë e ndërgjegjes, përfaqëson një bazë të patundur për ndërtimin e urave ndërmjet bashkësive tona”,-nënvizoi Ati i Shenjtë Prevost.

Ndër të pranishmit në audiencë ishin shumë delegacione ekumenike dhe përfaqësues të feve të tjera, që morën pjesë dje në Meshën e Përurimit të papnisë së Leo XIV. 

Pritja e madhe në Vatikan/ Papa Leo XIV takohet me Kryegjyshin Botëror

Nga Kryegjyshata Botërore Bektashiane ndodhej në audiencë Kryegjyshi Haxhi Dede Baba Edmond Brahimaj, i cili sot paradite u përshëndet personalisht me Papa Leon XIV, si dhe gazetari Ferdinand Samarxhi.

Ndër përfaqësuesit e feve të tjera, ishin edhe eksponentë të bashkësisë hebraike, myslimane, hinduiste, budiste, sikh, zoroastriane e xhainiste./CNA

 

 

 





Lajmet e fundit nga