web counter
LEXO PA REKLAMA!

SHKARKO APP

App Store
Google Play

Ndahet nga jeta ish-kryeministri i Kosovës

10 Qershor 2025, 09:22, Kosova & Bota CNA

Ndahet nga jeta ish-kryeministri i Kosovës

Ka vdekur në moshën 78-vjeçare ish-kryeministri në ekzil i Kosovës, Bujar Bukoshi.

Ai po vuante prej kohësh nga një sëmundje e rëndë.

Bujar Bukoshi më 1989 themeloi Këshillin e të Drejtave dhe Lirive të Njeriut (KMLDNJ) dhe Lidhjen Demokratike të Kosovës (LDK), në krye të së cilës ishte Ibrahim Rugova.

Kur Millosheviçi me një akt jokushtetues anuloi autonominë e Kosovës në vitin 1991, Parlamenti i Kosovës që ishte detyruar nga forcat serbe të shpërbëhet, shpalli Republikën e Kosovës dhe emëroi Bukoshin kryeministër. Bukoshit iu desh të arratisej nga vendlindja.

Në vitin 1999, Bukoshi mori pjesë në negociatat e Rambujesë. Pas luftës Dr. Bukoshi priu Unionin e Fondeve për Rindërtimin e Kosovës (UFORK), me të cilin u rindërtuan shkolla dhe shtëpi të shkatërruara nga forcat serbe në Kosovë dhe po ashtu u mbështetën refugjatë dhe projekte kulturore.

Më 2007, Bukoshi u zgjodh deputet në Kuvendin e Republikës së Kosovës. Ishte bashkënënshkrues i Deklaratës së Pavarësisë së Republikës së Kosovës. Më 2009 u emërua ministër i Shëndetësisë në qeverinë e Kosovës dhe inicioi reforma të rëndësishme. Nga marsi 2011 deri në tetor 2014 shërbeu si zëvendëskryeministër dhe në këtë detyrë mbikëqyri punën e Ministrisë për Shëndetësi, Ministrisë për Mjedis dhe Ministrisë për Punë dhe Mirëqenie Sociale.





Lajmet e fundit nga