web counter
LEXO PA REKLAMA!

SHKARKO APP

App Store
Google Play

E fundit!

x

Gjykata Speciale cakton vazhdimin e paraburgimit për Thaçin dhe 3 të pandehurit e tjerë

9 Qershor 2025, 18:34, Kosova & Bota CNA

Gjykata Speciale cakton vazhdimin e paraburgimit për Thaçin dhe 3

Dhomat e Specializuara të Kosovës në Hagë kanë caktuar vazhdimin e masës së paraburgimit ndaj Hashim Thaçit, Isni Kilajt, Bashkim Smakajt dhe Fadil Fazliut.

Vendimet për Thaçin, Kilajn, Smakajn dhe Fazliun janë marrë në mënyrë të ndarë për secilin prej të përfshirëve.

“Në dritën e të mësipërmeve dhe në mungesë të ndonjë informacioni të ndërmjetëm në kundërshtim me to, Gjykatësja e procedurës paraprake konkludon se rreziku i arratisjes në lidhje me z. Thaçi vazhdon të ekzistojë.

Gjykatësja e procedurës paraprake konkludon se vazhdon të ekzistojë rreziku që z. Thaçi do të pengojë progresin e procedurave të DhSK-së.

Asnjë nga kushtet e propozuara atëherë nga Mbrojtja e z. Smakaj, dhe as ndonjë kusht tjetër i vendosur proprio motu, nuk mund të zbusë në mënyrë të mjaftueshme rreziqet ekzistuese, veçanërisht rreziqet për pengimin e përparimit të procedurave të DhSK-së dhe kryerjen e veprave të mëtejshme penale”.

Gjithashtu, edhe për Kilajn, gjyqtarja e procedurës paraprake ka konstatuar se ekzistojnë arsye të besueshme që ai mund të arratiset, të pengojë procedurat e DhSK-së dhe të kryejë krime të tjera.

Gjykatësja e procedurës paraprake konkludon se kushtet për lirimin e z. Kilaj, të propozuara më parë nga Mbrojtja dhe/ose çdo kusht shtesë i arsyeshëm i vendosur nga Gjykatësi i Procedurës Paraprake, mbeten të pamjaftueshme për të zbutur në mënyrë adekuate rreziqet sipas nenit 41 (6) (b) (i)-(iii) të Ligjit”, thuhet në vendim.

Ish-presidenti i Kosovës, Hashim Thaçi ish-kryeparlamentarët kosovarë Kadri Veseli dhe Jakup Krasniqi dhe ish-shefi i deputetëve të Lëvizjes Vetëvendosjes (LVV), Rexhep Selimi akuzohen nga Zyra e Prokurorit të Specializuar (ZPS) për ngjarje në periudhën mes viteve 1998–1999./CNA





Lajmet e fundit nga