web counter
LEXO PA REKLAMA!

SHKARKO APP

App Store
Google Play

Papa Leo XIV kritikon nacionalizmin politik dhe lutet për pajtim dhe dialog

8 Qershor 2025, 22:39, Kosova & Bota CNA

Papa Leo XIV kritikon nacionalizmin politik dhe lutet për pajtim dhe dialog

Papa Leo XIV kritikoi rritjen e lëvizjeve politike nacionaliste në botë, ndërsa u lut të dielën për pajtim dhe dialog, një mesazh në përputhje me premtimet e tij për ta bërë Kishën Katolike një simbol të paqes.

Papa kremtoi Meshën e së dielës në Sheshin e Shën Pjetrit para dhjetëra mijëra besimtarëve dhe i kërkoi Frymës së Shenjtë të "shembte barrierat dhe të rrëzonte muret e indiferencës dhe urrejtjes".

"Ku ka dashuri, nuk ka vend për paragjykime, për zona 'sigurie' që na ndajnë nga fqinjët tanë, për mentalitetin përjashtues që, tragjikisht, tani e shohim të shfaqet edhe në nacionalizmat politikë",-tha Papa.

Ai nuk përmendi ndonjë vend apo politikan specifik.

Papa Leo gjithashtu kujtoi fjalët e të ndjerit Papa Françeskut, i cili vërejti se në botën tonë "ne jemi të gjithë të lidhur, megjithatë e gjejmë veten të shkëputur nga njëri-tjetri, të anestezuar nga indiferenca dhe të mbingarkuar nga vetmia".

Papa gjithashtu dënoi luftërat, të cilat "po e mundojnë botën tonë" dhe i kërkoi Frymës së Shenjtë "dhuratën e paqes".

Menjëherë pasi u bë papë, Leo u zotua të punonte për unitet dhe paqe. Mesazhi i tij i parë, "Paqja qoftë me ju të gjithë", vendosi rëndësinë e paqes si një shtyllë të papatit të tij./CNA





Lajmet e fundit nga