web counter
LEXO PA REKLAMA!

SHKARKO APP

App Store
Google Play

Ministri i Jashtëm i Zelandës së Re: Veprimet e Izraelit në Liban minojnë misionin e OKB-së

14 Tetor 2024, 07:53, Kosova & Bota CNA

Ministri i Jashtëm i Zelandës së Re: Veprimet e Izraelit në

Veprimet ushtarake të Izraelit në Liban kanë dëmtuar misionin paqeruajtës dhe humanitar të Kombeve të Bashkuara në vend, tha të hënën ministri i jashtëm i Zelandës së Re, Ëinston Peters.

Shqetësimi po rritet për paqeruajtësit e OKB-së pasi Forca e Përkohshme e OKB-së në Liban (UNIFIL) tha se një numër i ushtarëve të saj u plagosën nga sulmet e fundit. Ushtria izraelite ka akuzuar Hezbollahun se vepron në zonat pranë postave të UNIFIL.

Trupat e OKB-së në Liban "luajnë një rol kritik stabilizues në rajon dhe duhet të jenë pjesë e përpjekjeve për të ulur tensionet”,   shkroi Peters në një postim në X.

“Çdo shënjestrim i paqeruajtësve të OKB-së është një shkelje e ligjit ndërkombëtar dhe është krejtësisht e papranueshme,” tha ai. “Veprimet e Izraelit minojnë aftësinë e Kombeve të Bashkuara për të kryer mandatin e saj, i cili përfshin ndërmjetësimin e konflikteve dhe ofrimin e mbështetjes humanitare.”

Të dielën, kryeministri izraelit Benjamin Netanyahu paralajmëroi OKB-në se forcat paqeruajtëse UNIFIL në Liban nuk janë në rrugën e duhur dhe i bëri thirrje Sekretarit të Përgjithshëm Antonio Guterres që t'i largojë ato./ CNA





Lajmet e fundit nga