web counter
LEXO PA REKLAMA!

SHKARKO APP

App Store
Google Play

Tjetër atentat ndaj Trump?/ Arrestohet 49-vjeçari, kapet me dy armë

14 Tetor 2024, 07:44, Kosova & Bota CNA

Tjetër atentat ndaj Trump?/ Arrestohet 49-vjeçari, kapet me dy

Një person është arrestuar pasi është kapur me armë gjahu dhe një pistoletë të mbushur pranë tubimit të Donald Trump në Coachella, Kaliforni.

I dyshuari 49-vjeçar, Vem Miller, ishte duke drejtuar një fuoristradë të zezë, kur u ndalua në postbllokun e sigurisë, ku iu gjetën dy armët e zjarrit dhe një karikator i mbushur plot.

Z. Miller më pas u arrestua pa incidente, tha zyra e Sherifit të Qarkut Riverside.Shërbimi Sekret i SHBA tha se Trump nuk ishte në asnjë rrezik, duke shtuar se incidenti nuk ndikoi në operacionet mbrojtëse. Një sherif lokal e quajti të dyshuarin një të çmendur dhe zyra e tij shtoi se takimi nuk ndikoi në sigurinë e Trump ose të pjesëmarrësve në tubim.

Ndërsa Sherifi i Qarkut Riverside, Chad Bianco tha se ishte e pamundur të spekulohej se çfarë kishte në mendjen e të dyshuarit, ai tha se besonte vërtet se oficerët e tij kishin parandaluar një atentat të tretë.

Ai shtoi se mund të jetë e pamundur të vërtetohet se ky ishte qëllimi i 49-vjeçarit.

Një zyrtar federal i zbatimit të ligjit tha për CBS Neës se nuk kishte asnjë indikacion për një atentat të lidhur me këtë incident.

Autoritetet federale thonë se janë ende duke hetuar incidentin dhe do të jetë në dorën e tyre të ndjekin çdo akuzë shtesë./ CNA





Lajmet e fundit nga