web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e 260-të e Qeverisë në Kosovë/ Kurti: Vendime dhe emërime në disa fusha

29 Maj 2025, 15:55, Kosova & Bota CNA

Mbledhja e 260-të e Qeverisë në Kosovë/ Kurti: Vendime dhe

Këtë të enjte në Prishtinë u zhvillua mbledhja e 260-të e Qeverisë aktuale të Kosovë, me praninë e kryeministrit Albin Kurti. Në mbledhje u morën disa vendime për emërime në pozita të larta drejtuese dhe formim të komisioneve të përkohshme me qëllim përmbylljen e proceseve rekrutuese të cilat kanë filluar para datës 22 mars 2025, pra kur qeveria ka kaluar de jure qeveri në dorëheqje.

Këto emërime përfshijnë:

- Drejtoren Ekzekutive në Agjencinë për Arsim dhe Aftësim Profesional dhe Arsim për të Rritur;

- Drejtoren e Përgjithshme të Inspektoratit të Arsimit;

- Drejtoren Ekzekutive në Agjencinë e Metrologjisë së Kosovës;

- Kryeinspektorin e Inspektoratit Qendror të Shëndetësisë;

- Komisionin e Ankesave për Shtetësi;

- Komisionet ad hoc për Vlerësimin Profesional për Pranim në Pozitën e lartë të Kategorisë Drejtuese, përkatësisht për Drejtor Ekzekutiv në Agjencinë Qendrore të Prokurimit dhe Drejtor Ekzekutiv në Thesarin e Kosovës.

Mbledhja e 260-të e Qeverisë në Kosovë/ Kurti: Vendime dhe

Përmes një postimi në rrjetet sociale, Kurti bën me dije se të tjera vendime që u morën sot ishin:

- Rialokimi i 4.5 milionë eurove në 25 projekte kapitale të ndryshme nëpër komuna në përputhje me 25 marrëveshjet e mirëkuptimit për projekte kapitale të nënshkruara nga Ministria e Administrimit të Pushtetit Lokal dhe Komunave dhe donatorëve;

- Miratimi i Planit të rishikuar të Veprimit 2025-2026 për zbatimin e Strategjisë për Vetëqeverisje Lokale 2016-2026, përmes së cilit synohet të rritet autonomia lokale dhe të ofrohen shërbime me kosto efektive nëpër komuna./CNA

 





Lajmet e fundit nga