web counter
LEXO PA REKLAMA!

SHKARKO APP

App Store
Google Play

"Masa të rrepta ndaj Serbisë"/ Eurodeputeti paralajmëron Beogradin për Radoiçiçin

23 Tetor 2023, 10:11, Kosova & Bota CNA

"Masa të rrepta ndaj Serbisë"/ Eurodeputeti

Eurodeputeti Tonino Picula nga Aleanca Progresive e Socialistëve dhe Demokratëve (S&D), ka thënë se refuzimi i Serbisë për ta ekstraduar Milan Radoiçiçin mund të komplikojë edhe më tej marrëdhëniet me Kosovën.

Në një intervistë për gazetën serbe “Nova”, eurodeputeti kroat ka theksuar se reagimet e mundshme të bashkësisë ndërkombëtare mund të rezultojnë në veprime edhe më të rrepta politike dhe diplomatike ndaj Serbisë nëse refuzon të ekstradojë drejt Kosovës Radoiçiçin. 

Kujtojmë që në parlamentin e Serbisë është miratuar një rezolutë javën e kaluar më 19 tetor, me të cilën kërkohen sanksione për qeverinë e Serbisë nëse konstatohet se shteti i Serbisë ka qenë i përfshirë në sulmin terrorist në Banjskë.

“Në rezolutën e miratuar nga PE-ja, masat kufizuese duhet të përfshijnë, por jo vetëm, ngrirjen e aseteve dhe ndalimin e udhëtimit ndaj aktorëve destabilizues në veri të Kosovës, sikurse Radojiçiçi, i cili ka marrë përgjegjësinë për organizimin e sulmit të përmendur terrorist”, ka theksuar Picula, i cili kishte përpiluar tekstin e Rezolutës së miratuar së fundmi në PE për konfliktin në Banjskë./CNA

 

 





Lajmet e fundit nga