web counter
LEXO PA REKLAMA!

SHKARKO APP

App Store
Google Play

Lëshohet urdhër-arrest ndërkombëtar për modelen e njohur shqiptare

14 Gusht 2025, 12:15, Kosova & Bota CNA

Lëshohet urdhër-arrest ndërkombëtar për modelen e

Gjykata Themelore në Gjilan, Departamenti i Përgjithshëm, ka lëshuar urdhër-arrest ndërkombëtar për modelen e njohur shqiptare, Arbenita Ismajli.

“Në ditën që është bërë kërkesa nga ana e Prokurorisë Themelore në Gjilan, Gjykata ka ndërmarrë të gjitha veprimet e nevojshme komfor kompetencave ligjore dhe në përputhje me legjislacionin në fuqi, duke lëshuar urdhër-arrestin dhe letër-rreshtimin ndërkombëtar ndaj së pandehurës Arbenita Ismajli”, ka thënë për Klan Kosovën, Sabit Shkodra, Udhëheqës i Zyrës për Informim dhe Komunikim me Media në Gjykatën e Shkallës së Parë në Gjilan.

Sipas policisë, modelja nuk ka zbatuar vendimin e gjykatës për të takuar vajzën me babanë biologjik, Feronit Shabani, duke kryer kështu veprën penale "Mospërfillje e gjykatës".

"Në mes të muajit qershor të këtij viti, Prokuroria Themelore në Gjilan ka nxjerrë një aktvendim për fillim të hetimeve ndaj Ismailit, pasi që, sipas tyre, ekziston dyshimi i bazuar se ajo nuk ka zbatuar vendimin e gjykatës për të takuar vajzën me babanë biologjik, Feronit Shabani, duke kryer kështu veprën penale Mospërfillje e gjykatës.

Nga 19 marsi i këtij viti, Arbenita Shabani lsmajli, me dashje nuk i është bindur urdhrit apo vendimit të plotfuqishëm të Gjykatës...

Prokurori i shtetit, pas vlerësimit të informatave, provave dhe materialeve të tërësishme të dorëzuara nga policia, ka ardhur në përfundim për të filluar hetimet në drejtim të veprës penale Mospërfillje e gjykatës", thuhet në njoftimin e policisë./ CNA





Lajmet e fundit nga