web counter
LEXO PA REKLAMA!

SHKARKO APP

App Store
Google Play

E fundit!

x

LAMTUMIRË PAPA FRANÇESKU!/ Mijëra besimtarë dhe liderë botërorë në Vatikan

26 Prill 2025, 12:34, Kosova & Bota CNA

LAMTUMIRË PAPA FRANÇESKU!/ Mijëra besimtarë dhe

Mesha mortore për Papa Françeskun sapo ka përfunduar.

Papa Françeskut i është dhënë përqafimi dhe përshëndetja e fundit si kryebari i Kishës Katolike romake dhe dishepull i Krishtit. Mesha e Dritës, që shpreh besimin në Krishtin e Ngjallur, është kryesuar nga dekani i Kolegjit Kardinalor, kardinali Giovanni Battista Re. Me të, bashkëkremtonin 980 kardinaj, ipeshkvij e meshtarë.

6 lutjet e besimtarëve janë lexuar në frëngjisht, arabisht, portugalisht, polonisht, gjermanisht dhe në gjuhën kineze. Pas Kungimit është kremtuar rekomandimi i fundit drejtuar Zotit për ta mirëpritur shpirtin e të ndjerit në bashkimin e lavdishëm të shenjtorëve, si edhe lamtumira, ose përshëndetja e fundit para varrimit, me lutjen e kishës së Romës.

Në fund, kardinali Re spërkati me ujë të bekuar dhe kem arkivolin, i cili, më pas, kaloi nëpër Bazilikën e Shën Pjetrit dhe prej andej, me një procesion mortor, në Bazilikën e Zojës së Madhe.

Në meshë ishin të pranishëm delegacione nga e gjithë bota, me në krye presidentë si ai SHBA-së, Donald Trump, presidenti i Francës Emanuel Macron, ai i Ukrainës Volodymyr Zelensky, kryeministrja e Italisë Giorgia Meloni si dhe presidenti Sergio Matarela etj.

Nga Shqipëria ishte presidenti Bajram Begaj, ndërsa nga Kosova, presidentja Vjosa Osmani. Të pranishëm ishin krerët fetarë të shumë feve botërore, si myslimanë, budistë, hinduistë, sikhë, zoroastrianë e jainistë.

Mbi 200 mijë njerëz e besimtarë ishin të pranishëm në ceremoninë mortore. Ata u vendosën në sheshin Shën Pjetër dhe në rrugët afër sheshit. Mbi 50 mijë ndodheshin vetëm në sheshin Shën Pjetër.

Në nder të Papës u zhvilluan 3 ditë  homazhe, pasi ai u nda nga jeta më 21 prill në moshën 88-vjeçare një ditë pas Pashkës./ CNA





Lajmet e fundit nga