web counter
LEXO PA REKLAMA!

SHKARKO APP

App Store
Google Play

E fundit!

x

Lajmi i keq për turistët që duan të vizitojnë Barcelonën/ Rritje taksash

27 Mars 2024, 10:00, Kosova & Bota CNA
Lajmi i keq për turistët që duan të vizitojnë
Foto ilustruese

Qyteti më i vizituar i Spanjës ka rritur taksën e re turistike, e cila do të hyjë në fuqi nga 1 prilli 2024. Turistët në Barcelonë tani do të duhet të paguajnë taksën e qytetit, e cila është rritur nga 2,75 në 3,25 euro, duke treguar një rritje prej 18 për qind ose një rritje çmimi prej 0,50 euro, raporton "SchengenVisaInfo".

Në krye të taksës së qytetit, "Euronews" raporton se turistët në Barcelonë do të duhet të paguajnë edhe taksën rajonale, e cila ndryshon në varësi të llojit të akomodimit ku ata do të qëndrojnë.

Taksa rajonale, mund të paguajnë midis 1,70 dhe 3,50 € për natë, në varësi të llojit të akomodimit që vizitorët kanë zgjedhur. Për shembull, vizitorët që qëndrojnë në hotelet me katër yje do të duhet të paguajnë 1,70 €, ndërsa çmimi për ata që janë në akomodim me qira është 2,25 € dhe për hotelet me pesë yje është 3,50 €.

Rritjet e çmimeve synojnë vendosjen e turizmit cilësor në vend të turizmit masiv, thekson kryebashkiaku i Barcelonës. Autoritetet vlerësojnë se tarifa do të gjenerojë 100 milionë euro në vitin 2024, të cilat do të ndahen për të rritur buxhetin e qytetit.

"Objektivi i kërkuar ishte: të përmbahej numri i turistëve dhe të rriteshin të ardhurat nga turistët sepse modeli ynë nuk është më turizmi masiv, por turizmi cilësor, i cili i shton vlerën qytetit", u shpreh Jaume Collboni, nënkryetar i bashkisë. 

Callboni zbuloi gjithashtu se të dhënat ekonomike kanë arritur tashmë nivelet e vitit 2019 për sa u përket të ardhurave të krijuara nga turistët që vizitojnë qytetin. Çdo vit, më shumë se 32 milionë turistë e vizitojnë Barcelonën./CNA 





Lajmet e fundit nga