web counter
LEXO PA REKLAMA!

SHKARKO APP

E fundit!

x

Konfirmohet rasti i parë i gripit të shpendëve te një njeri pa ekspozim me kafshë të prekura

8 Shtator 2024, 10:25, Kosova & Bota CNA

Konfirmohet rasti i parë i gripit të shpendëve te një njeri

Zyrtarët amerikanë kanë konfirmuar një rast të gripit të shpendëve në një pacient që nuk ishte i ekspozuar ndaj kafshëve.

Sipas Qendrës së SHBA-së për Kontrollin dhe Parandalimin e Sëmundjeve, ky është rasti i 14-të i raportuar për vitin 2024.

Rastet e mëparshme në SHBA janë gjurmuar pas ekspozimit ndaj shpendëve ose bagëtive të infektuara.

"Pacienti nga Misuri shënon rastin e parë të H5 pa një ekspozim ndaj kafshëve të sëmura ose të infektuara," tha CDC në një deklaratë.

Pacienti mori medikamente antivirale kundër gripit dhe u trajtua në shtëpi.

Bazuar në mediat e huaja rasti është nën hetim nga Departamenti i Shëndetësisë dhe Shërbimeve të Larta në Misuri.

Gripi i shpendëve është një sëmundje virale që prek kryesisht zogjtë dhe kafshët e tjera. Infeksionet njerëzore janë të rralla. Vlerësimi i rrezikut të gripit të shpendëve për njerëzit mbetet i ulët.

Deri më tani nuk raportohen raste të gripit të shpendëve te bagëtitë në Misuri, por ka pasur shpërthime të virusit midis shpendëve./ CNA





Lajmet e fundit nga