web counter
LEXO PA REKLAMA!

SHKARKO APP

App Store
Google Play

E fundit!

x

Kancelari Merz: Ka ardhur koha për të finalizuar marrëveshjen tarifore BE-SHBA

28 Janar 2026, 19:53, Kosova & Bota CNA

Kancelari Merz: Ka ardhur koha për të finalizuar marrëveshjen

Kancelari gjerman Friedrich Merz ka bërë thirrje ditën e sotme që të merret një vendim përfundimtar mbi marrëveshjen e tarifave të Bashkimit Evropian me Shtetet e Bashkuara të Amerikës.

Në një konferencë shtypi të përbashkët me kryeministrin rumun, Ilie Bolojan në Berlin, Merz tha se janë hedhur themelet që kjo marrëveshje të hyjë në fuqi.

Megjithatë, ai paralajmëroi se SHBA-të nuk duhet të kenë përsëri dyshime mbi marrëveshjen e arritur korrikun e kaluar. Kancelari gjerman tha se pala amerikane duhet të ketë interes të sigurojë që marrëveshjet të respektohen dhe të mos vihen në pikëpyetje.

"Ne nuk jemi të përgatitur të pranojmë një përkeqësim të kësaj marrëveshjeje", tha Merz.

Ndërsa marrëveshja BE-SHBA u arrit vitin e kaluar, ajo ende ka nevojë për miratimin e Parlamentit Evropian për ta bërë zyrtare. Parlamenti zyrtarisht e pezulloi marrëveshjen javën e kaluar, ndërsa tensionet mbi Groenlandën u përshkallëzuan.

Plani përfshin lejimin e importimit të mallrave industriale amerikane në BE pa taksa. Në këmbim të këtyre angazhimeve të BE-së, Trump pranoi të përmbahet nga vendosja e tarifave të veçanta. Merz vuri në dukje se negociatat me Uashingtonin ishin ende në vazhdim në dy fusha, çelikun dhe aluminin. /CNA





Lajmet e fundit nga