web counter
LEXO PA REKLAMA!

SHKARKO APP

App Store
Google Play

E fundit!

x

Parashikimi i Rubio: Mund të kemi një mision diplomatik amerikan të përhershëm në Venezuelë

28 Janar 2026, 17:44, Kosova & Bota CNA

Parashikimi i Rubio: Mund të kemi një mision diplomatik amerikan

Sekretari i Shtetit i SHBA-së, Marco Rubio, tha se parashikon një prani diplomatike të përhershme të SHBA-së në Venezuelë në të ardhmen e afërt, vetëm disa javë pasi presidenti i rrëzuar, Nicolas Maduro u kap pas një pushtimi ushtarak amerikan të Karakasit.

"Ne kemi një ekip në terren që po vlerëson situatën dhe besojmë se mund të hapim një mision diplomatik të SHBA-së në të ardhmen e afërt, i cili do të na lejojë të marrim informacion në kohë reale dhe të bashkëveprojmë", tha Rubio në një seancë dëgjimore para Komitetit të Çështjeve të Jashtme të Senatit.

Ai theksoi gjithashtu se Shtetet e Bashkuara të Amerikës  kanë krijuar një linjë komunikimi të respektueshme dhe produktive me udhëheqësit e përkohshëm të Venezuelës.

Nicolas Maduro u arrestua së bashku me gruan e tij më 3 janar, gjatë një operacioni spektakolar ushtarak amerikan në Karakas. Ai u mor dhe u mbajt në paraburgim në Nju Jork, pasi autoritetet amerikane synojnë ta gjykojnë atë për "trafik droge".

Ish-zëvendësja e Maduros u betua si presidente e përkohshme më 5 shkurt, pasi Presidenti i SHBA-së Donald Trump tha se Uashingtoni synon të diktojë vendimet e marra në Venezuelë deri në njoftim të mëtejshëm. /CNA





Lajmet e fundit nga