web counter
LEXO PA REKLAMA!

SHKARKO APP

App Store
Google Play

E fundit!

x

Irani dënon me pesë vjet burgim një shtetas francez

8 Nëntor 2023, 17:21, Kosova & Bota CNA
Irani dënon me pesë vjet burgim një shtetas francez
Louis Arnaud

Irani ka dënuar një shtetas francez me 5 vite burgim. Louis Arnaud, 36-vjeç u dënua nën akuza që lidhen me sigurinë kombëtare.

Arnaud u arrestua më 28 shtator të vitit 2022 pasi kishte udhëtuar përmes Italisë, Greqisë, Turqisë, Gjeorgjisë dhe Armenisë, para se të shkonte në Iran.

Hyrja e tij në Iran përkon me kohën kur Irani ishte mbërthyer nga protesta mbarëkombëtare përmes së cilave kërkoheshin kushte më të mira të jetesës dhe më shumë liri. Familja e Arnaudit tha se ai “ka qëndruar larg” trazirave.

Nëna e Arnaudit, në një deklarate, tha se gjykimi ndaj djalit të saj është mbajtur në Gjykatën Revolucionare, dhe atij nuk i është lejuar që të ketë prezent një avokat.

“Këto akuza që janë bërë kundër atij, veçmas për propagandë dhe minim të sigurisë së shtetit iranian, janë krejtësisht të pabaza”, tha Sylvie Arnaud në deklaratën e publikuar më 8 nëntor.

Zyrtarët iranianë, apo mediat shtetërore, nuk kanë konfirmuar dënimin e tij.

Aktualisht në Iran po mbahen tre shtetas francezë, Cecile Kohler, Jacques Paris dhe një person i tretë i paidentifikuar. Teherani ka tentuar të lidhë këta persona me protestat, duke akuzuar Perëndimin se ka nxitur protestat në Iran.

Zëdhënësja e Ministrisë së Jashtme franceze, Anne-Claire Legendre, tha se dënimi i Arnaudit është shkelje e të drejtave të tij themelore dhe e cilësoi vendimin si “të papranueshëm”./ CNA





Lajmet e fundit nga