web counter
LEXO PA REKLAMA!

SHKARKO APP

App Store
Google Play

Sulmi me armë në Austri/ 10 viktima, mes të cilëve 9 nxënës dhe autori i ngjarjes

10 Qershor 2025, 14:10, Kosova & Bota CNA

Sulmi me armë në Austri/ 10 viktima, mes të cilëve 9

Nëntë persona u vranë në një të shtënë me armë në një shkollë në qytetin austriak të Gracit këtë të martën dhe autori i dyshuar gjithashtu është mes viktimave, thanë autoritetet austriake.

Policia tha se beson që sulmuesi veproi i vetëm. Ata thanë në rrjetin social ‘X’ se 10 persona ishin të vdekur, përfshirë edhe autorin e ngjarjes, dhe disa u plagosën rëndë.

Kryetarja e bashkisë Elke Kahr i përshkroi ngjarjet si një "tragjedi të tmerrshme", raportoi Agjencia Austriake e Shtypit. Ajo shtoi se viktimat përfshinin nxënës dhe të paktën një të rritur. Zyrtarët nuk dhanë menjëherë informacion mbi autorin e krimit.

Forcat speciale ishin midis atyre që u dërguan në shkollën e mesme BORG Dreierschützengasse, rreth një kilometër nga qendra historike e Gracit, pas një telefonate në orën 10:00.

Në orën 11:30, policia tha se shkolla ishte evakuuar dhe të gjithë ishin dërguar në një pikë takimi të sigurt. Ata shkruan se situata ishte "e siguruar" dhe nuk besohet më të ketë ndonjë rrezik.

Kancelari austriak Christian Stocker, i cili ishte duke udhëtuar për në Grac, tha se ngjarja është një tragjedi kombëtare që trondit thellësisht të gjithë vendin.

“Nuk ka fjalë për dhimbjen dhe pikëllimin që të gjithë ne, e gjithë Austria, ndiejmë tani”,-shkroi ai në një deklaratë të postuar në ‘X’.

Presidenti Alexander van der Bellen tha se ky tmerr nuk mund të përshkruhet me fjalë.

“Këta ishin të rinj që kishin të gjithë jetën përpara. Një mësues që i shoqëroi gjatë rrugës”,-tha presidenti./CNA





Lajmet e fundit nga