web counter
LEXO PA REKLAMA!

SHKARKO APP

App Store
Google Play

Sulmi izraelit në Damask, reagon Teherani: Përgjigja do të jetë e ashpër

1 Prill 2024, 19:39, Kosova & Bota CNA
Sulmi izraelit në Damask, reagon Teherani: Përgjigja do të
Foto nga vendi i ngjarjes

Tetë persona u vranë dhe disa të tjerë u plagosën në sulmin izraelit që ndodhi pranë ambasadës iraniane në Damask, Siri.

Sipas “Al Jazeera”, ndërtesa e bombarduar është rezidenca e ambasadorit iranian, e cila ndodhet pranë ambasadës iraniane. Kjo media e cila citon mediat iraniane, thekson se ambasadori iranian dhe familja e tij nuk u lënduan pas sulmit.

Mediat ndërkombëtare, përfshirë kanalin saudit “Al Hadth”, raportuan se në bastisjen në Damask, ndër të tjera, u vra një komandant i lartë i Gardës Revolucionare iraniane, Mohammad Reza Zahedi, një eksponent kryesor i Forcave Quds në Siri dhe Liban. Këtë e kanë raportuar edhe mediat izraelite.

Ambasadori iranian në Damask, Hossein Akbari, tha se "përgjigja ndaj sulmit që i atribuohet Izraelit - ku u vranë tetë persona, duke përfshirë Mohammad Reza Zahed, komandant i lartë i Pasdaran - do të jetë i ashpër".

Këtë e kanë raportuar mediat iraniane. Diplomati më pas shtoi se "pasi të largohen rrënojat e ndërtesës së shkatërruar nga sulmi, do të bëhet i ditur numri i saktë i viktimave"./ CNA





Lajmet e fundit nga