web counter
LEXO PA REKLAMA!

SHKARKO APP

App Store
Google Play

E fundit!

x

Sulm me raketa në Izrael/ 10 viktima, dhjetëra të plagosur

27 Korrik 2024, 21:27, Kosova & Bota CNA
Sulm me raketa në Izrael/ 10 viktima, dhjetëra të plagosur
Forcat izraelite të sigurisë dhe mjekët transportojnë viktimat. Burimi, CNN

Raketa të shumta kanë goditur mbrëmjen e sotme qytetin verior të Izraelit, Majdal Shams, pranë kufirit me Sirinë.

Ndër vendet e goditura ishte një fushë futbolli, ku po luanin fëmijë dhe adoleshentë, njoftoi zëdhënësi i Forcave të Mbrojtjes të Izraelit (IDF), Daniel Hagari.

Raportohet se të paktën 10 persona kanë humbur jetën dhe 29 janë plagosur, mes të cilëve edhe fëmijë.

Forcat Mbrojtëse të Izraelit (IDF) fajësojnë Hezbollahun për këtë sulm.

“Sipas një vlerësimi të situatës së IDF dhe inteligjencës që zotërojmë, lëshimi i raketës në drejtim të Majdal Shams u krye nga organizata terroriste Hezbollah. Organizata terroriste Hezbollah qëndron pas hedhjes së raketës në një fushë futbolli në Majdal Shams, e cila shkaktoi viktima të shumta civile, duke përfshirë fëmijët më herët këtë mbrëmje”.

Megjithatë, zëdhënësi i Hezbollahut, Mohamad Afif, mohoi të ketë lidhje me ngjarjen.

Kryeministri izraelit, Benjamin Netanyahu, tha se do të shkurtonte vizitën e tij në Shtetet e Bashkuara dhe do të kthehej në Izrael për shkak të sulmit.

Presidenti izraelit, Isaac Herzog, e cilësoi sulmin si një "katastrofë të tmerrshme dhe tronditëse" dhe u zotua se Izraeli do të "mbronte" qytetarët e tij.

Ky ishte sulmi ishte më vdekjeprurës që rajon që nga përshkallëzimi i tensioneve midis ushtrisë izraelite dhe Hezbollahut, kur filloi lufta Izrael-Hamas./ CNA





Lajmet e fundit nga