web counter
LEXO PA REKLAMA!

SHKARKO APP

App Store
Google Play

E fundit!

x

Hetimet për krime lufte/ Zëdhënësi i Putinit: Nuk e njohim Gjykatën e Hagës

14 Mars 2023, 13:14, Kosova & Bota CNA

Hetimet për krime lufte/ Zëdhënësi i Putinit: Nuk e njohim

Moska ka thënë se nuk e njeh juridiksionin e një gjykate ndërkombëtare në Hagë, që është paralajmëruar se do të iniciohet ndaj krimeve ruse në Ukrainë, raportoi "The Guardian".

“Ne nuk e njohim këtë gjykatë, nuk e njohim juridiksionin e saj”, tha para mediave, Dmitry Peskov, zëdhënës i presidentit të Rusisë, Vladimir Putin.

“New York Times” dhe “Reuters” raportuan të hënën se prokurori i Gjykatës Penale Ndërkombëtare, do të iniciojë zyrtarisht dy raste të krimeve të luftës si dhe do të lëshojë urdhër-arreste për disa rusë që po konsiderohen përgjegjës për rrëmbimin masiv të fëmijëve ukrainas.

Nëse kjo nismë do të ishte e suksesshme, do të ishte hera e parë që zyrtarisht lëshohet një urdhër i tillë për agresionin rus.

Këtë “betejë” me krimet ruse po e zhvillon prokurori Karim Khan. Që kur nisi lufta, ai ka bërë tri udhëtime në Ukrainë dhe i ka vizituar zonat ku dyshohet se janë kryer krime lufte.

Rusia i ka mohuar krimet e saj në Ukrainë, ndërsa tha se shënjestër e ka pasur infrastrukturën energjetike të Ukrainës./CNA.al





Lajmet e fundit nga