web counter
LEXO PA REKLAMA!

SHKARKO APP

App Store
Google Play

E fundit!

x

Haradinaj paralajmëron Kurtin/ "Të ndërpresë shkatërrimin e vendit, ndryshe do ta bëjmë ne"

5 Nëntor 2022, 17:06, Kosova & Bota CNA
Haradinaj paralajmëron Kurtin/ "Të ndërpresë
Kryetari i Aleancës për Ardhmërinë e Kosovës (AAK), Ramush Haradinaj

Kryetari i Aleancës për Ardhmërinë e Kosovës (AAK), Ramush Haradinaj ka paralajmëruar Kurtin se nëse nuk reflekton dhe nuk ndërpret shkatërrimin e vendit, do të jenë të detyruara ta ndërpresin duke përdorur të gjitha mjetet demokratike.

Gjithashtu fton të gjithë qytetarët e Kosovës që jetojnë në veri të vendit, të përmbahen dhe të ruajnë qetësinë, duke mos rënë pre e politikave të gabuara.

“Sot me Këshillin e Përgjithshëm të Aleancës, riafirmuam vendosmërinë tonë për mbrojtjen e interesave nacionale të Kosovës dhe orientimin proamerikan.

Me këtë rast, ftoj të gjithë qytetarët e Kosovës që jetojnë në veri të vendit, të përmbahen dhe të ruajnë qetësinë, duke mos rënë pre e politikave të gabuara. Kosova është shtet i të gjithëve, e nuk është në favorin e askujt destabilizimi i situatës, përpos atyre që ndjekin agjendat ruse.

Sa i përket Kurtit, janë momentet e fundit që të reflektojë dhe të ndërprejë shkatërrimin e vendit, përndryshe do të jemi të detyruar ta ndërprejmë ne, me të gjitha mjetet demokratike në dispozicion", shkruan Ramush Haradinaj./ CNA.al





Lajmet e fundit nga