web counter
LEXO PA REKLAMA!

SHKARKO APP

App Store
Google Play

Gripi i shpendëve alarmon Spanjën/ Rreth 400 lejlekë gjenden të ngordhur në brigjet e një lumi

9 Dhjetor 2025, 18:45, Kosova & Bota CNA

Gripi i shpendëve alarmon Spanjën/ Rreth 400 lejlekë gjenden

Në Spanjë është ngritur alarmi për gripin e shpendëve. Në komunën e Getafe në Madrid janë gjetur të ngordhur rreth 400 lejlekë. Autoritetet lokale kanë bërë me dije se do të kryejnë teste për të përcaktuar ashpërsinë e virusit.

"Rajoni i Madridit po kryen teste të mëtejshme pasi një numër i madh lejlekësh të ngordhur u gjetën në brigjet e lumit Manzanares", bënë me dije autoritetet.

Më tej autoritetet në Madrid kanë njoftuar se po vihen në zbatim masat për shpërthimin e gripit të shpendëve me agresivitet të lartë. 

Masat përfshijnë ndalimin e mbarështimit të rosave dhe patave me specie të tjera shpendësh, ndalimin e mbarështimit të shpendëve në zona të lira, kufizimi i vizitave në fermat e shpendëve dhe monitorimi i furnizimit me ujë për t'u siguruar që nuk është i kontaminuar.

Në deklaratën e autoriteteve thuhet se ky grip mund të transmetohet te njerëzit përmes mukozave, me një rezultat të ngjashëm me atë të gripit sezonal, megjithëse nuk janë vërejtur raste transmetimi përmes kontaktit të drejtpërdrejtë në Evropë. Gripi nuk mund të transmetohet përmes konsumit të produkteve të shpendëve.

Në total, më shumë se 200 raste të gripit të shpendëve janë identifikuar tashmë në fermat e shpendëve në të gjithë Evropën këtë sezon, një numër më i lartë se në vitet e kaluara. /CNA





Lajmet e fundit nga