web counter
LEXO PA REKLAMA!

SHKARKO APP

App Store
Google Play

Gjyqi në Hagë/ Nis mbrojtja e 4 ish-komandantëve të UÇK-së

15 Shtator 2025, 09:51, Kosova & Bota CNA

Gjyqi në Hagë/ Nis mbrojtja e 4 ish-komandantëve të

Në Gjykatën e Hagës po zhvillohet gjyqi ndaj 4 ish-krerëve të Ushtrisë Çlirimtare të Kosovës.

Në seancën e sotme mbrojtja e Hashim Thaçit, Kadri Veselit, Rexhep Selimit dhe Jakup Krasniqit po paraqet provat.

Sipas asaj që raportojnë mediat në Kosovë, dëshmitari i parë është James Rubin, ish-zyrtar i lartë amerikan dhe një njohës i zhvillimeve në Kosovë gjatë periudhës së luftës.

Aktakuza i ngarkon të akuzuarit për përgjegjësi personale, por edhe për krimet e kryera nga vartësit e tyre.

Sipas aktakuzës, Thaçi, Veseli, Selimi dhe Krasniqi akuzohen për krime kundër njerëzimit dhe krime lufte, përfshirë vrasjen e më shumë se 100 viktimave si dhe mbajtjen në paraburgim në mënyrë të paligjshme e torturimin e qindra viktimave.

Sipas Prokurorisë Speciale katër të akuzuarit dhe anëtarë të tjerë të UÇK-së ishin pjesë e një "organizate të përbashkët kriminale” dhe kanë ushtruar frikësimin, keqtrajtimin, ushtrimin e dhunës dhe eliminimin e atyre që i konsideronin kundërshtarë.

Që prej 4 dhe 5 nëntorit 2020,  katër të akuzuarit ndodhen në paraburgim në Hagë.

Procesi gjyqësor ndaj tyre nisi në prill të vitit 2023. Në më shumë se dy vite Zyra e Prokurorit të Specializuar thirri 125 dëshmitarë dhe ka paraqitur rreth 3.000 prova materiale.

Në Hagë të Holandës, të dielën, mijëra shqiptarë nga diaspora, por edhe nga Kosova, protestuan masivisht duke kërkuar drejtësi për ish-krerët e Ushtrisë Çlirimtare të Kosovës./CNA

 





Lajmet e fundit nga