web counter
LEXO PA REKLAMA!

SHKARKO APP

App Store
Google Play

Fundosja e anijes me emigrantë/ Shefja e BE-së bën thirrje për reformë të azilit

26 Shkurt 2023, 17:25, Kosova & Bota CNA
Fundosja e anijes me emigrantë/ Shefja e BE-së bën thirrje
Shefja e Komisionit Evropian, Ursula von der Leyen

Shefja e Komisionit Evropian, Ursula von der Leyen, ka bërë thirrje për progres në reformën e bllokuar të Bashkimit Evropian për azil, pas raportimeve për vdekjen e mbi 50 emigrantëve në Itali.

Von der Leyen ka thënë se vdekjet e raportuara në orët e hershme të së dielës janë tragjedi që e kanë lënë atë “thellësisht të pikëlluar”.

Varka e mbingarkuar, me më shumë se 120 emigrantë, është përmbytur në rajonin e Kalabrisë, në jug të Italisë. Rreth 80 persona kanë shpëtuar.

“Ne duhet të dyfishojnë përpjekjet tona për Paktin e Emigrimit dhe Azilit, dhe planin e veprimit për qendrën e Mesdheut”, ka thënë ajo.

Një numër i madh i emigrantëve - që i ikin konfliktit dhe varfërisë - e marrin rrugën nga Afrika për në Itali, çdo vit.

Ende është e paqartë kombësia e viktimave, mirëpo agjencitë lokale kanë raportuar se emigrantët janë nisur nga Irani, Iraku, Siria, Afganistani, Pakistani dhe Somalia.

Edhe kryeministrja italiane, Giorgia Meloni, ka shprehur “pikëllim të thellë” për përmbytjen e varkës, dhe është zotuar se do t’i japë fund emigrimit të parregullt detar, si mënyrë për të parandaluar më shumë tragjedi./ REL





Lajmet e fundit nga