web counter
LEXO PA REKLAMA!

SHKARKO APP

App Store
Google Play

E fundit!

x

Europol identifikon 821 rrjetet kriminale më kërcënuese në BE

5 Prill 2024, 15:39, Kosova & Bota CNA

Europol identifikon 821 rrjetet kriminale më kërcënuese në

Europol, nëpërmjet një raporti të fundit, identifikon rrjetet kriminale më kërcënuese në Bashkimin Evropian. 

Raporti i ri i Europol, me titullin “Dekodimi i rrjeteve kriminale më kërcënuese të BE-së” , thellohet në karakteristikat e rrjeteve kriminale që përbëjnë kërcënimin më të lartë.

Kjo analizë në mbarë Evropën fokusohet në aktorët kriminalë në një hartë të parë të këtij lloji të rrjeteve kriminale më kërcënuese. Raporti përshkruan në detaje se si janë organizuar rrjetet kriminale më kërcënuese, në cilat aktivitete kriminale përfshihen, si dhe ku veprojnë. Ai gjithashtu vlerëson se cilat nga karakteristikat e tyre rrisin kërcënimin që paraqesin këto rrjete.

Duke folur në një konferencë për shtyp me rastin e prezantimit të gjetjeve kryesore të raportit, Drejtoresha Ekzekutive e Europolit, Catherine De Bolle, tha:" Kriminelët lulëzojnë në fshehtësi, por ne po e ndryshojmë këtë. Ky raport i Europol-it është studimi më i gjerë mbi rrjetet kryesore kriminale i ndërmarrë ndonjëherë në nivel evropian nga forcat e rendit. Falë bashkëpunimit të të gjitha shteteve anëtare të BE-së dhe 17 vendeve partnere të Europolit, ne po hedhim dritë mbi aktivitetet e rrjeteve kriminale më kërcënuese në BE. Këto të dhëna, të centralizuara tani në Europol, do t'u japin agjencive të zbatimit të ligjit avantazhin që u nevojiten për të synuar dhe kryer më mirë hetimet kriminale ndërkufitare."

Në raport nënvizohet se janë 821 rrjete kriminale me rrezikshmëri më të lartë që veprojnë në BE. 

Këto rrjete kriminale, anëtarësia e të cilëve kalon mbi 25 000 individë, u përzgjodhën në bazë të kritereve rreth kërcënimit që paraqesin. Këto rrjete janë aktive në një sërë fushash kriminale, nga trafiku i drogës te kontrabanda e emigrantëve, krimi i pronës dhe të tjera./CNA 





Lajmet e fundit nga