web counter
LEXO PA REKLAMA!

SHKARKO APP

App Store
Google Play

E rëndë në Itali/ Një automjet përplas turmën e këmbësorëve, disa prej tyre në gjendje kritike

16 Maj 2026, 19:39, Kosova & Bota CNA

E rëndë në Itali/ Një automjet përplas turmën e

Një ngjarje e rëndë raportohet se ka ndodhur në Modena të Italisë ku një person ka përplasur me automjet një turmë këmbësorësh.

Si pasojë, shtatë persona janë plagosur, ndërsa disa prej tyre ndodhen në gjendje të rëndë shëndetësore. Sipas raportimeve të mediave italiane, një grua rrezikon të humbasë të dyja këmbët nga përplasja e fortë.

Autori i ngjarjes së rëndë, 30-vjeç, është arrestuar, nga policia ndërsa bëhet me dije se ai kishte goditur me thikë dhe një kalimtar që ishte përpjekur ta ndalonte.

30-vjeçari po merret në pyetje në komasariatin e policisë ndërsa autoritetet po punojnë për të përcaktuar nëse ai ishte nën ndikimin e substancave narkotike apo kreu një sulm të qëllimshëm.

Kryebashkiaku i Modenës, Massimo Mezzeti, i cili foli nga vendngjarja tha se ky ishte një akt tragjik.

"Duhet ta kuptojmë natyrën e incidentit, por është një akt tragjik. Jam thellësisht i tronditur. Cilado qoftë natyra e tij, është një ngjarje shumë serioze. Nëse do të ishte një sulm, do të ishte edhe më serioz. Autori i krimit, duket të jetë afrikano-verior; ai është në stacionin e policisë dhe po e marrin në pyetje", raportohet se është shprehur Mezzeti.

Dëshmitarët nga vendi i ngjarjes në Via Emilia Centro janë shprehur se makina po ecte me të paktën 100 milje në orë, ndërsa iu afrua trotuarit dhe përplasi këmbësorët. /CNA





Lajmet e fundit nga