web counter
LEXO PA REKLAMA!

SHKARKO APP

App Store
Google Play

E fundit!

x

E marrë peng nga Hamasi/ 40-vjeçarja rrëfen tmerrin si u përdhunua dhe torturua

27 Mars 2024, 11:30, Kosova & Bota CNA

E marrë peng nga Hamasi/ 40-vjeçarja rrëfen tmerrin si u

Amit Soussana është një nga pengjet izraelite, e cila ka rrëfyer se është abuzuar seksualisht nga 1 person që i përket grupit të Hamasit.

Ajo ka pohuar se një roje, për të cilën ajo thotë se e identifikoi veten vetëm si Muhamed, i ka drejtuar armën duke e detyruar të kryejë marrëdhënies seksuale me të.

Zonja Soussana, 40 vjeç, i tha "New York Times" se ajo u sulmua seksualisht, si dhe u rrah dhe torturua, ndërsa u mbajt në Gaza për 55 ditë. 

Zëdhënësi i Hamasit, Basem Naim, në një deklaratë për gazetën, tha se ishte 'e vështirë të besohej' rrëfimi i zonjës Soussana për abuzimin seksual dhe shtoi se 'për ne, trupi i njeriut dhe veçanërisht ai i gruas është i shenjtë'.

Grupi terrorist, prej muajsh, ka mohuar që anëtarët e tij kanë abuzuar seksualisht me pengjet ose gjatë sulmit të 7 tetorit.

Megjithatë, një raport i Kombeve të Bashkuara (OKB) i publikuar këtë muaj thoshte se ka 'informacion të qartë dhe bindës' se disa pengje kishin pësuar dhunë seksuale.

Soussana u rrëmbye nga shtëpia e saj gjatë bastisjes së 7 tetorit, u rrah dhe u tërhoq zvarrë në Gaza nga një grup prej të paktën shtatë personash të armatosur.

Ndërsa ishte në robëri, ajo tha se ishte mbajtur e vetme në dhomën e gjumit të një fëmije dhe e lidhur me zinxhir nga kyçi i saj i majtë. Ajo pretendon se vetëm disa ditë pasi e kishin marrë peng, Muhamedi filloi ta pyeste për jetën e saj seksuale dhe ciklin menstrual. Ajo pretendon se ai e ka hequr zinxhirin, e ka çuar në banjë dhe e ka urdhëruar që të lahet.

Soussana rrëfen se personi që mbante armën po e vështronte teksa lahej.

Soussana tha se ajo u përpoq të mbulohej me një peshqir dore, por Muhamedi shkoi drejt saj dhe e goditi.

"Ai më uli pranë banjës. Mbylla këmbët. Rezistova. Ai vazhdoi të më godiste me grusht dhe të më vinte armën në fytyrë. Më pas më tërhoqi zvarrë në dhomën e gjumit”, ka rrëfyer ajo.

Ajo pretendon se ndërsa ishte në dhomën e gjumit, Muhamedi e ka detyruar atë të kryente një akt seksual ndaj tij, përpara se ta linte të zhveshur, ulur në errësirë ??dhe duke qarë në shtrat.

Ajo raportoi sulmin e supozuar dhe dhunën tjetër te dy mjekë dhe një punonjës social më pak se 24 orë pasi u lirua nga robëria, sipas "Times"./ CNA





Lajmet e fundit nga