web counter
LEXO PA REKLAMA!

SHKARKO APP

App Store
Google Play

E fundit!

x

Dështon takimi Kurti-Vuçiç në Bruksel/ Zbardhen arsyet

26 Qershor 2024, 21:16, Kosova & Bota CNA
Dështon takimi Kurti-Vuçiç në Bruksel/ Zbardhen arsyet
Albin Kurti dhe Josep Borrell

Ka dështuar takimi i radhës në Bruksel mes kryeministrit Albin Kurti dhe Presidentit të Serbisë Aleksandër Vuçiç.

Kurti ka paraqitur tre kushte për angazhimin e mëtejshëm në preocesin e normalizimit të marrëdhënieve Kosovë-Serbi.

Shefi i politikës së Jashtme të BE-së, Josep Borrell tha se Kosova nuk ishte e gatshme për takim trepalësh.

“Së pari, zyrtarizimin e marrëveshjes themelore përmes nënshkrimit nga udhëheqësit e shteteve dhe qeverive përkatëse. Së dyti, tërheqjen e letrës së paraqitur zyrtarisht në BE nga ish-kryeministrja (serbe Ana) Bërnabiç, e datës 13 dhjetor 2023. Dhe së treti, dorëzimin e Milan Radojçiçit dhe grupit të tij paraushtarak-terrorist tek autoritetet gjyqësore të Kosovës”, ishin tre kushtet e Kurtit.

Nga ana tjetër Serbia është shprehur se nuk ishte e gatshme të plotësonte kushtet e Kosovës.

Kryeministri i Kosovës, Albin Kurti u shpreh se ka kërkuar garanci për mirëbesim dhe vullnet të mirë. 

“Konsiderojmë se marrëveshja bazike dhe aneksi i zbatimit janë një e arritur e dalluar në politikën e jashtme të Republikës së Kosovës, për marrëdhënie të mira fqinjësore, me fqinjin tonë verior, me njohjes së paku de-fakto në qendër, por është edhe arritje e Bashkimit Evropian që ka ndërmjetësuar raunde të tëra të këtij dialogu”, tha kryeministri Kurti.

Nga ana tjetër Presidenti i Serbisë, Aleksadër Vuçiç tha se ka qenë Kurti ai që nuk ka dashur të takohet me të.

Vuçiç ka deklaruar se kryeministri Kurti dëshiron që Serbia të njohë Kosovën dhe tani ka dalë me disa kërkesa të tjera që në thelb është një njohje “de jure” e Kosovës./ CNA





Lajmet e fundit nga