web counter
LEXO PA REKLAMA!

SHKARKO APP

App Store
Google Play

Bill Gates pranon aferat jashtëmartesore/ Miliarderi i kërkon falje stafit të tij për lidhjet me Epstein

25 Shkurt 2026, 19:19, Kosova & Bota CNA

Bill Gates pranon aferat jashtëmartesore/ Miliarderi i kërkon falje

Miliarderi Bill Gates pranoi këtë javë se kishte pasur dy afera me gra ruse ndërsa ishte i martuar me Melinda French Gates dhe u kërkoi falje stafit të organizatës së tij bamirëse për lidhjet e tij të kaluara me abuzuesin seksual Jeffrey Epstein, ndërsa pohoi se nuk kishte qenë pjesë e asgjëje "të paligjshme".

“Nuk bëra asgjë të paligjshme. Nuk pashë asgjë të paligjshme”, tha filantropi miliarder dhe bashkëthemelues i Microsoft, 70 vjeç, në një takim publik për Fondacionin e tij "Gates" të martën, sipas raportimeve të mediave ndërkombëtare.

Sipas një zëdhënësi të tij, gjatq bisedimeve në takim ai iu përgjigj pyetjeve të paraqitura nga stafi i fondacionit mbi një sërë çështjesh, duke përfshirë publikimin e dosjeve Epstein, punën e fondacionit në inteligjencën artificiale dhe të ardhmen e shëndetit global.

Hetimet rinisën rreth historisë së Gates me Epstein, i cili vdiq në paraburgim në 2019 pasi u akuzua për trafikim qeniesh njerëzore, sepse një mori dokumentesh të publikuara nga Departamenti i Drejtësisë i SHBA-së treguan email-e të vjetra të abuzuesit seksual.

Këto email-e të shkruara nga Epstein ai akuzonte Gates se kishte marrë një infeksion seksualisht të transmetueshëm nga "vajzat ruse" dhe më pas i kërkonte ndihmën e Epstein për ta fshehur atë nga gruaja e tij e atëhershme.

Mediat amerikane kanë raportuar se para ndarjes së tyre, Melinda kishte qenë e mërzitur për lidhjen e burrit të saj me Epstein. Pasi u njoftua ndarja e tyre, Bill Gates pranoi se kishte pasur një aferë me një punonjëse të Microsoft në vitin 2019.

Në komentet e tij të raportuara para stafit të martën, Gates tha se takoi dy gratë me të cilat tha se kishte pasur afera përmes aktiviteteve të tij shoqërore dhe të biznesit. /CNA





Lajmet e fundit nga