web counter
LEXO PA REKLAMA!

SHKARKO APP

App Store
Google Play

E fundit!

x

Berisha, thirrje pensionistëve/ "Mos u mashtroni nga Rama, shpreheni zemërimin nesër në protestë"

1 Nëntor 2024, 20:20, Kosova & Bota CNA
Berisha, thirrje pensionistëve/ "Mos u mashtroni nga Rama, shpreheni
Kryetari i Partisë Demokratike, Sali Berisha

Kryetari i Partisë Demokratike, Sali Berisha, i është drejtuar pensionistëve me një mesazh, marrë shkas nga deklaratat e kryeministrit Edi Rama për pensionet dhe ngjarjen kriminale në Korçë.

Berisha tha në protestën e përnatshme të mbështetësve të tij se pensionistët nuk duhet të gënjehen.

Ai deklaroi se Rama po sillet si një ordiner me pensionistët dhe për këtë arsye këta të fundit duhet të bashkohen nesër me protestuesit në Shkodër, për të shprehur zemërimin ndaj qeverisë.

“Të dashur pensioniste dhe pensionistë, mos u mashtroni nga ky njeri. E përshëndes përfaqësuesit tuaj mbrëmë që e gozhduan mashtruesin, e detyruan të sillet si një ordiner. Ja nxorrën të gjitha në shesh se çfarë është ai.

Por nesër në Shkodër është një rast për të gjithë për të shprehur urrejtjen, zemërimin kundër tij, kundër qeverisë së tij dhe bandave të tij.

Të dashur pensioniste dhe pensionistë, ai për vete, për sojin e sorollopin e tij, për brezat që vijnë të tij, po ndërton në Durrës, parajsën e tij.    

12500 apartamente, 6 hotele luksoze, të gjitha në tokë publike, kurse shqiptarët po i gjobit me 1 miliardë euro për ndërtimini e portit të ri.

Imagjinoni të dashur pensionistë dhe pensioniste, sa do të ishte pensioni juaj sikur këto euro të përdoreshin për rritjen e tij.

Pensioni juaj do të ishte të paktën 2-3 herë më i lartë seç është sot dhe shteti nuk do të humbiste asgjë, përkundrazi do të dëshmonte njerëzi, dhemshuri, dashuri dhe respekt ndaj jush, që ju e meritoni plotësisht. Nesër të gjithë në Shkodër, është radha jonë, është radha jonë, është radha jonë”, thekson Berisha./ CNA





Lajmet e fundit nga