web counter
LEXO PA REKLAMA!

SHKARKO APP

App Store
Google Play

Anulohet gjyqi në Argjentinë për vdekjen e legjendës së futbollit Maradona

29 Maj 2025, 19:48, Kosova & Bota CNA

Anulohet gjyqi në Argjentinë për vdekjen e legjendës së

Një gjykatë në Argjentinë ka anuluar gjyqin e shtatë punonjësve të shëndetësisë të akuzuar për vrasje të paqëllimshme në vdekjen e legjendës së futbollit Diego Maradona, duke e quajtur atë një "gjykim të gabuar". Vendimi vjen pasi një nga tre gjyqtarët dha dorëheqjen mes kritikave për paraqitjen e saj në një dokumentar të ardhshëm rreth çështjes.

Dorëheqja e Julieta Macindah e detyron gjykatën ose të emërojë një gjyqtar të ri për ta zëvendësuar atë ose ta rigjykojë të gjithë çështjen nga fillimi. Të enjten, gjyqtarët vendosën ta rigjykojnë çështjen, pa specifikuar se kur do të fillojë.

Gjyqtarja Macindach tha se nuk kishte zgjidhje tjetër veçse të tërhiqej nga çështja. Një video që u publikua tregoi gjyqtaren duke dhënë një intervistë për dokumentarin brenda gjykatës së Buenos Airesit dhe në zyrën e saj, gjë që përbën shkelje të etikës.

Gjyqi kishte filluar më 11 mars. Maradona vdiq më 25 nëntor 2020, në periferi të Buenos Airesit, disa ditë pasi iu nënshtrua një operacioni për një hematomë në kokë./CNA





Lajmet e fundit nga