web counter
LEXO PA REKLAMA!

SHKARKO APP

App Store
Google Play

Stërvitja ‘Defender Europe 2025” edhe për Kosovën/ Osmani: Kapitull i ri i bashkëpunimit ushtarak

29 Maj 2025, 16:51, Kosova & Bota CNA

Stërvitja ‘Defender Europe 2025” edhe për Kosovën/

Presidentja e Kosovës, Vjosa Osmani ka zhvilluar sot një vizitë në kuadër të stërvitjes ‘Defender Europe 2025’, në të cilën marrin pjesë edhe Forcat e Sigurisë së Kosovës. Përmes një postimi në rrjetet sociale, Osmani ka ndarë pamjet nga vizita e saj dhe takimi me trupat e FSK-së.

Osmani thekson se me këtë pjesëmmarrje, Kosova po shkruan një kapitull të ri të bashkëpunimit ushtarak ndërkombëtar.

“Sot, në cilësinë e Komandantes Supreme të Forcës së Sigurisë së Kosovës, vizitova Defender Europe ’25 – ushtrimin më të madh të këtij viti të US Army Europe, ku Kosova jo vetëm që merr pjesë, por ka edhe nderin të jetë nikoqire. Krah për krah me forcat e armatosura të Shteteve të Bashkuara të Amerikës dhe aleatëve tjerë të NATO-s, vendi ynë po shkruan një kapitull të ri të bashkëpunimit ushtarak ndërkombëtar.

Vetëm dy ditë më parë, në SHBA, diskutuam për vizionin e përbashkët për mbrojtjen e Evropës. Sot, ky vizion po zbatohet në terren, në tokën tonë, përmes Defender Europe ’25 – një ushtrim i përmasave të jashtëzakonshme që dëshmon përkushtimin ndaj paqes dhe sigurisë. Rreth 1000 pjesëtarë të FSK-së janë të angazhuar drejtpërdrejt – profesionistë të barabartë me aleatët nga vendet më të fuqishme të botës. Ky është një mesazh i qartë: Kosova jo vetëm që kontribuon, por është e gatshme të jetë pjesë e NATO-s”,-shprehet Osmani./CNA

Stërvitja ‘Defender Europe 2025” edhe për Kosovën/

Stërvitja ‘Defender Europe 2025” edhe për Kosovën/





Lajmet e fundit nga