web counter
LEXO PA REKLAMA!

SHKARKO APP

App Store
Google Play

Mediat izraelite: Netanyahu pranon propozimin e fundit të SHBA-së për armëpushim në Gaza

29 Maj 2025, 19:08, Kosova & Bota CNA

Mediat izraelite: Netanyahu pranon propozimin e fundit të SHBA-së

Mediat izraelite raportojnë se, kryeministri i Izraelit, Benjamin Netanyahu ka pranuar propozimin e fundit të SHBA për armëpushim në Gaza.

Kjo vjen pasi i dërguari i Lindjes së Mesme, Witkoff, tha se ishte optimist për ndërmjetësimin e një marrëveshjeje për t'i dhënë fund më shumë se 19 muajsh lufte në Gaza.

Kryeministri i Izraelit, Benjamin Netanyahu, tha se e ka pranuar propozimin e të dërguarit të SHBA-së në Lindjen e Mesme, Steve Witkoff, për një armëpushim në Gaza dhe shkëmbim të të burgosurve.

“Izraeli pranon skicën e re të Witkoff-it”, raportohet se ka deklaruar Netanyahu gjatë një takimi me familjet e pengjeve që mbahen nga Hamasi.

Hamasi konfirmoi gjithashtu të enjten se kishte marrë propozimin e ri për armëpushim nga ndërmjetësit dhe po e shqyrtonte atë.

"Kam disa ndjenja shumë të mira për arritjen e një zgjidhjeje afatgjatë - një armëpushim të përkohshëm, një zgjidhje paqësore të atij konflikti", tha ai të mërkurën./ CNA





Lajmet e fundit nga