web counter
LEXO PA REKLAMA!

SHKARKO APP

App Store
Google Play

12 mijë njerëz të pastrehë/ Bangladeshi heton mbi zjarrin në kampin e refugjatëve

6 Mars 2023, 07:38, Kosova & Bota CNA
12 mijë njerëz të pastrehë/ Bangladeshi heton mbi zjarrin
Foto ilustruese

Autoritetet e Bangladeshit po hetojnë shkakun e një zjarri masiv në një kamp refugjatësh Rohingya, i cili ka lënë 12,000 njerëz pa strehë.

Nuk raportohet për viktima, por zjarri shkatërroi 2,000 strehimore pasi u përhap me shpejtësi.

Policia po heton nëse zjarri ka qenë një akt sabotimi. Sipas mediave lokale, është arrestuar një person.

Kampi në juglindje besohet të jetë kampi më i madh i refugjatëve në botë. Shumica e banorëve të saj, refugjatë Rohingya, kishin ikur nga persekutimi në Mianmarin fqinj.

Të hënën, qindra njerëz ishin kthyer në zonën e Cox's Bazar për të parë se çfarë mund të shpëtonin nga rrënojat.

"Rreth 2,000 strehimore janë djegur, duke lënë rreth 12,000 shtetas të Mianmarit të zhvendosur me forcë pa strehë," i tha agjencisë së lajmeve "AFP", Mijanur Rahman, komisioneri i refugjatëve në Bangladesh.

Zjarri u vu nën kontroll brenda tri orëve, por të paktën 35 xhami dhe 21 qendra mësimore për refugjatët u shkatërruan.

Do të jetë e vështirë të zhvendosen rreth 12,000 njerëz të prekur nga zjarri, duke pasur parasysh kushtet e vështira në kamp, tha Hardin Lang nga "Refugees International".

Ofrimi i shërbimeve bazë për ata njerëz në pjesë të tjera të kampit do të ishte gjithashtu një sfidë sepse shumë shërbime, klinika shëndetësore dhe shkolla janë shkatërruar./ CNA.al





Lajmet e fundit nga