web counter
LEXO PA REKLAMA!

SHKARKO APP

App Store
Google Play

E fundit!

x

“Si kryeministër u kam borxh një falje”/ Mitsotakis: Nuk duhet të fshihemi pas gabimit njerëzor

5 Mars 2023, 09:34, Kosova & Bota CNA

“Si kryeministër u kam borxh një falje”/ Mitsotakis: Nuk

Kryeministri i Greqisë, Kyriakos Mitsotakis, ka reaguar përmes një statusi të gjatë në rrjetet sociale, për tragjedinë në Tempe ku u përplasën dy trenat duke shkaktuar 57 viktima.

Mitsotakis u ka kërkuar falje familjarëve të viktimave, në emër të të gjithë atyre që kanë udhëhequr vendin.

“Si kryeministër u kam borxh të gjithëve, por mbi të gjitha të afërmve të viktimave, një falje të madhe. Si personalisht, ashtu edhe në emër të të gjithë atyre që drejtuan vendin prej vitesh. Sepse vërtet në Greqinë e 2023-shit nuk është e mundur që dy trena të lëvizin në drejtim të kundërt në të njëjtën linjë dhe askush nuk e ka vënë re”, shkruan fillimisht Mitsotakis.

“Nuk mundemi, nuk duam dhe nuk duhet të fshihemi pas gabimit njerëzor”, shton kryeministri dhe thekson se “nëse do të kishte përfunduar projekti i Telekomandimit, ky aksident do të kishte qenë praktikisht i pamundur të ndodhte”.

“Fakti që Sistemi i Kontrollit Dixhital do të jetë plotësisht funksional brenda muajve të ardhshëm nuk është justifikim. E kundërta. Më bën dhimbjen edhe më të madhe që nuk arritëm ta përfundonim para se të ndodhte e keqja”, vijon më tej me postimin Mitsotakis.

“Menjëherë do t'i kërkoj Komisionit Europian dhe vendeve mike ndihmën e tyre në njohuri, në mënyrë që më në fund të marrim trena modernë. Dhe unë do të luftoj për fonde shtesë të komunitetit për të ruajtur dhe përmirësuar me shpejtësi rrjetin ekzistues. Së fundi, do t'u propozoj të gjitha palëve që në Parlamentin e ardhshëm të ngrihet një Komision i Posaçëm për të hetuar tragjedinë më të dhimbshme që ndodhi në hekurudhat greke gjatë njëzet viteve të fundit. Ajo që nuk është bërë për kaq shumë vite duhet bërë tani dhe shpejt”, ka shkruar Mitsotakis./ CNA.al





Lajmet e fundit nga