LEXO PA REKLAMA!

SHKARKO APP

App Store
Google Play

Vota për kundërshtarin, si shpëtim i PS-së

2023-03-14 22:06:00, Opinione Hysni Gurra
Vota për kundërshtarin, si shpëtim i PS-së
Gazetari Hysni Gurra

Intelektualët e majtë, ato pak figura publike që mendojnë edhe për emrin dhe fatin e tyre përveç emrit dhe fatit të PS-së, po e thonë shkoqur se janë të tronditur nga rastet e shumta korruptive në nivele të larta të qeversijes.

Minarja nuk futet në thes- thotë populli.

Atë që e sheh edhe bufi, më në fund po e pranojnë intelektualët e majtë. Por cila është zgjidhja?

Një Parti në qeveri prej 10 vitesh po gërryhet nga brenda nga aferat korruptive që po vijnë duke u rritur si ortek. Përvoja e vendeve fqinjë ka treguar se parti të mëdha historike mund të zhduken për shkak të peshës së rëndë të korrupsionit.

Rasti i Greqisë që PASOK u zhduk për shkak të aferave të mëdha korruptive është një këmbanë alarmi për ata që duan që PS të jetë një parti e fortë dhe gjithnjë në pushtet apo si alternativë qeverisje.

Në Greqi, shembja e PASOK u pasua nga dalja e SIRIZËS.

A ka shpëtim PS-ja? Sigurisht që ka, por duket e vështirë.

Vetëm nëse intelektualët e majtë nuk do të votojnë më sy mbyllur për kandidatët e PS-së mund të ketë një shans për të shpëtuar Partinë Socialiste.

Në të kundërt ?zullumi do të trashet? dhe ?litari do të këputet?.

Vetëm një dalje në opozitë e PS-së mund të shpëtojë të majtën.

Një dalje në opozitë do të dënonte zullumqarët, sepse drejtësia jonë e re, trembet nga njerëzit në pushtet, por është shumë trime me njerëzit që bien nga pushteti.

Dënimi i atyre që kanë bërë dhe vijojnë të bëjnë zullume është jo vetëm shpëtim për PS-në, por edhe për vendin.

Në të kundërt, kritikat gjithnjë e më kurajoze të zërave publikë të së majtës nuk do të vlejnë më nesër.

Republika kryeministrore e Ramës do të ketë përjashtuar edhe PS-në nga partia.

Vota për kandidatët e kundërshtarit paradoksalisht mund të jetë ilaçi që shpëton PS-në nga shkërmoqja.

15:48 Opinione Ardi Stefa

Mësuesit mjeranë!

Mjeranë? Po vërtet mjeranë! Pa personalitet, pa dinji...

Lajmet e fundit nga