web counter
LEXO PA REKLAMA!

SHKARKO APP

App Store
Google Play

Trafikonte kokainë nga Kolumbia drejt Europës, arrestohet i rrezikshmi në Durrës

2024-04-19 10:19:00, Kronika CNA
Trafikonte kokainë nga Kolumbia drejt Europës, arrestohet i rrezikshmi
Foto ilustruese

Arrestohet në Durrës shtetasi italian, Roberto Basco, 59 vjeç. Ky i fundit dënuar në Spanjë me 6 vjet burgim, për veprën penale “Trafikimi i lëndëve narkotike". 

Në shkurt të 2019, në aeroportin e Madridit, në valixhet e shtetasit Roberto Basco, u gjetën 7 pako me lëndë narkotike kokainë (me peshë totale rreth 5.6 kg), që i kishte sjellë nga Kolumbia, me qëllim shitjen. Ai pritet të ekstradohet drejt Spanjës. 

Njoftimi i Policisë:

Policia Kufitare Durrës, si rezultat i shkëmbimit të informacionit mes Interpol Tiranës dhe Interpol Madridit, finalizoi operacionin e koduar “Porta”.

Gjatë operacionit është arrestuar, me qëllim ekstradimin në Spanjë, shtetasi italian Roberto Basco, 59 vjeç.

Ky shtetas ishte shpallur në kërkim ndërkombëtar, pasi Gjykata Provinciale e Madridit, Spanjë, me vendimin e datës 19.09.2019, e ka dënuar me 6 vjet burgim, për veprën penale “Trafikimi i lëndëve narkotike", parashikuar nga Kodi Penal i Spanjës. Nga dënimi i kanë mbetur për të kryer 1 vit e 5 muaj burgim.

Më datë 26.02.2019, në aeroportin e Madridit, në valixhet e shtetasit Roberto Basco, janë gjetur 7 pako me lëndë narkotike kokainë (me peshë totale rreth 5.6 kg), që i kishte sjellë nga Kolumbia, me qëllim shitjen.

Vijojnë procedurat për ekstradimin e këtij shtetasi, në Spanjë./CNA 





Lajmet e fundit nga