web counter
LEXO PA REKLAMA!

SHKARKO APP

App Store
Google Play

E fundit!

x

Raporti i fundit i pagave në Kosovë: Kush paguhet më shumë e kush më pak?

2026-06-01 15:24:00, Kosova & Bota CNA

Raporti i fundit i pagave në Kosovë: Kush paguhet më shumë e

Në vitin 2025, paga mesatare bruto në Kosovë ishte 713 euro, krahasuar me 639 euro në vitin 2024, duke shënuar një rritje prej 11,6%. Ndërkaq paga mesatare neto arriti në 636 euro, nga 552 euro sa ishte në vitin 2024, duke shënuar një rritje prej 15,2%

Paga mesatare neto në Kosovë ka arritur në 636 euro gjatë vitit 2025, por dallimi mes sektorëve vazhdon të jetë i madh. Ndërmarrjet publike paguajnë mbi 800 euro, ndërsa sektori privat mbetet nën 600 euro.

Agjencia e Statistikave të Kosovës ka publikuar raportin për nivelin e pagave në Kosovë për vitin 2025, ku shihet një rritje e përgjithshme e pagave në të gjithë sektorët, si në bruto ashtu edhe në neto.

Sipas të dhënave, paga mesatare bruto në Kosovë gjatë vitit 2025 ka arritur në 713 euro, krahasuar me 639 euro sa ishte në vitin 2024. Kjo paraqet një rritje prej 11.6 për qind brenda një viti.

Ndërkohë, paga mesatare neto ka arritur në 636 euro, nga 552 euro sa ishte vitin e kaluar, duke shënuar një rritje prej 15.2 për qind.

Rritja e pagave është regjistruar në sektorin publik, ndërmarrjet publike dhe sektorin privat, megjithatë dallimet mes tyre vazhdojnë të jenë të theksuara.

Në administratën publike, paga mesatare bruto është rritur nga 755 euro në 840 euro, ndërsa paga neto nga 668 euro në 744 euro. Kjo nënkupton se sektori publik vazhdon të mbetet dukshëm më i paguar se pjesa më e madhe e ekonomisë private në vend.

Edhe më të larta janë pagat në ndërmarrjet publike.

Sipas ASK-së, paga mesatare bruto në këtë sektor ka arritur në 915 euro, nga 783 euro sa ishte në vitin 2024. Paga neto ka shkuar në 812 euro, duke shënuar rritje prej 18.5 për qind.

Kjo e bën sektorin e ndërmarrjeve publike sektorin me pagat më të larta në Kosovë.

Në anën tjetër, sektori privat vazhdon të mbetet me pagat më të ulëta, pavarësisht rritjes së regjistruar gjatë vitit 2025.

Paga mesatare bruto në sektorin privat është rritur nga 598 euro në 666 euro, ndërsa paga neto nga 513 euro në 596 euro. Edhe pse ka rritje mbi 16 për qind në pagën neto, diferenca me sektorin publik dhe ndërmarrjet publike mbetet e madhe.

Të dhënat tregojnë se një punëtor në ndërmarrje publike merr mesatarisht mbi 200 euro më shumë pagë neto sesa një punëtor në sektorin privat.

Raporti nxjerr në pah edhe dallime të mëdha mes aktiviteteve ekonomike.

Sektori me pagat më të larta në Kosovë gjatë vitit 2025 ka qenë “Informimi dhe komunikimi”, ku paga mesatare bruto ka arritur në 1 mijë e 216 euro, ndërsa paga neto në 1 mijë e 68 euro.

Pas tij renditet sektori i furnizimit me energji elektrike, gaz, avull dhe ajër të kondicionuar, me 1 mijë e 133 euro bruto dhe 1 mijë euro neto.

Në anën tjetër, pagat më të ulëta janë regjistruar në kategorinë “Shërbime të tjera”, ku paga mesatare bruto ishte vetëm 425 euro, ndërsa ajo neto 387 euro. Kjo nënkupton një diferencë prej mbi 680 eurosh në pagën neto mes sektorit më të paguar dhe atij me pagën më të ulët në Kosovë.

Raporti i ASK-së tregon se, megjithëse pagat kanë shënuar rritje gjatë vitit 2025, dallimet mes sektorëve vazhdojnë të mbeten të mëdha, sidomos ndërmjet sektorit publik dhe atij privat./ Revista Monitor





Lajmet e fundit nga