web counter
LEXO PA REKLAMA!

SHKARKO APP

App Store
Google Play

“Pse vajza ime e bukur sot është në varr?”/ Dëshmia rrëqethëse e nënës së 14-vjeçares që u vra në RMV

2023-12-07 16:36:00, Kosova & Bota CNA
“Pse vajza ime e bukur sot është në varr?”/
Zorica Gjorçevska

Zorica Gjorçevska, nëna e Vanja Gjorçevksa, 14-vjeçares e cila u vra pak ditë më parë në Maqedoninë e Veriut, ka folur për herë të parë pas ngjarjes tronditëse.

Ajo shprehet se është e shokuar dhe gjithçka që ka ndodhur i duket joreale. Gjorçevska pretendon se me ish bashkëshortin nuk kanë patur zënka dhe as debate dhe se e ka lejuar gjithnjë të shohë dhe të takojë vajzat.

Më tej nëna e 14-vjeçares thekson se nuk i ka interesuar aspak jeta e ish burrit të saj dhe se kujdesej vetëm për fëmijët e saj dhe punën.

 “Unë nuk mund të flas. Ende nuk e di pse ndodhi kjo. Unë jam në pritje të epilogut të gjithë kësaj. Ende nuk e kuptoj se pse jeta ime normale u kthye në ferr. Për mua është thjesht e pakuptueshme se si, dhe pse vajza ime e bukur është tani në varr.

Kam një sëmundje kronike, por po përmbahem, është e rëndësishme për mua të di të vërtetën, dhe vajza tjetër aktualisht është e sëmur, të gjithë shpresojmë se do të jetë më mirë. Ju lutem, po ju kërkoj shumë që të prisni derisa të kuptojmë pse ndodhi kjo.

Unë nuk di asgjë. E gjithë kjo për mua është joreale. Por ne kemi pesë vjet që jemi divorcuar dhe nuk e di se çfarë po bënte. Ne ishim në marrëdhënie të mira për shkak të fëmijëve. Ne nuk kemi debatuar për kujdestarinë apo edukimin, atë e kam lejuar t’i shohë kur të donte apo kur të donin fëmijët”, tha Zorica./ CNA





Lajmet e fundit nga