web counter
LEXO PA REKLAMA!

SHKARKO APP

App Store
Google Play

SKEMA/ Si lidhet Lulzim Basha me kompanitë e inceneratorëve dhe mediat e paguara nga to

2024-03-28 11:32:00, Denoncim CNA
SKEMA/ Si lidhet Lulzim Basha me kompanitë e inceneratorëve dhe mediat
Lulzim Basha dhe Klodian Zoto

Një nga çështjet e nxehta që vazhdon t’u kushtojë miliona euro taksapaguesve shqiptarë janë plehrat dhe inceneratorët.

Zullumet janë të mëdha dhe zyrtarët e lartë që janë të përfshirë në këtë aferë ende nuk kanë marrë ndëshkimin apo nuk janë paraqitur para autoriteteve.

CNA është një nga mediat që ka denoncuar me fakte dhe prova të gjithë skemën e vjedhjes dhe ka përmendur me emra ata që janë të përlyer në aferë.

Sot, CNA po ju sjell disa fakte që lidhin Lulzim Bashën, lulëzimin e bizneseve të tij, me njerëzit e inceneratorëve apo mediat e paguara prej tyre.

Lulzim Basha, në vitin 2018, përgatiti drejtuesit lokalë të PD-së që të dilnin në protesta te fusha e mbetjeve urbane në Porto Romano.

SKEMA/ Si lidhet Lulzim Basha me kompanitë e inceneratorëve dhe mediat

SKEMA/ Si lidhet Lulzim Basha me kompanitë e inceneratorëve dhe mediat

Ata kërkonin të merreshin masa, pasi ndotja në zonën përreth ishte dhjetëra herë më e lartë se norma e lejuar.

SKEMA/ Si lidhet Lulzim Basha me kompanitë e inceneratorëve dhe mediat

Rreth 1 muaj pas protestës, Këshilli Bashkiak i Durrësit shpalli në korrik të 2018, gjendjen e emergjencës mjedisore, si pasojë e situatës problematike me mbetjet në të gjitha vendgrumbullimet e kësaj bashkie.

Vendgrumbullimi më problematik ishte ai i Porto-Romanos, që gjendet rreth 3-4 kilometra në veri të qytetit të Durrësit dhe zinte një sipërfaqe prej 80.000 m2 me mbeturina urbane, inerte, mbetje të rrezikshme dhe kafshë të ngordhura.

Sipas Planit Lokal të Menaxhimit të Mbetjeve për Bashkinë e Durrësit 2010-2025, ishte parashikuar të kishte jetëgjatësi për 25 vjet. Aty depozitonin mbetjet edhe bashki të tjera, si ajo e Shijakut dhe Kavajës.

Por çfarë ndodh? Ku përfiton Lulzim Basha në këtë mes?

Lulzim Basha përgatiste protesta dhe gjatë protestave ose një ditë pas asaj që bënte Luli, Edi Rama merrte VKM, dhe pas kësaj Lulzim Basha tërhiqej.

Në fakt pas VKM-ve përfitues ishin njerëz afër Lulzim Bashës. Porto Romano, pra Eco Park, është një nga shembujt më klasikë.

Në fund të dhjetorit të vitit 2019, duke shfrytëzuar edhe situatën e emergjencave nga tërmeti, qeveria jep 15 milionë euro prokurim të drejtpërdrejtë për firmën “Victoria Invest” dhe “De Mare SRL”. (Lexo ketu)

SKEMA/ Si lidhet Lulzim Basha me kompanitë e inceneratorëve dhe mediat

Firma “Victoria Invest” njihet si një subjekt biznesi me lidhje të forta me Lulzim Bashën e Republikës së re.

Nga ana tjetër, “De Mare SRL” është një nga kompanitë partnere e njeriut të inceneratorëve, Klodian Zotos dhe një partner i tyre është edhe “Top Channel”.

Pra, demokratët dalin në protestë, protestojnë në Porto Romano, bëhet zhurmë, ndërkohë paralelisht bën zhurmë dhe “Top Channel” në atë kohë që njihet si televizioni ortak i inceneratorëve dhe Rama bënte ndryshime.

Shpallet një garë në 2019, në shtator anulohet gara dhe tenderi i hapur dhe pastaj pas tragjedisë së tërmetit dhe më pas Edi Rama ia jep “Victoria Invest” me prokurim të drejtpërdrejtë në 26 dhjetor të vitit 2019.

Si lidhet “Victoria Invest” me Lulzim Bashën?

“Victoria Invest” është kompania që i ka dhënë Lulzim Bashës makinë, e cila ka bashkëpunëtore “De Mare SRL”, e cila është një nga kompanitë e lidhura me Klodian Zoton dhe Mirel Mërtirin. Por për herë të parë konfirmohet se si Lulzim Basha u shërbente bizneseve afër tij. “Victoria Invest” i ka dhënë “Mercedez Benz”-in.

CNA zbuloi se Lulzim Basha përdorte makinën “Mercedez Benz” të zi me targë AA111EN, Modeli S350 me numër shasie WDD2211561A293860.

SKEMA/ Si lidhet Lulzim Basha me kompanitë e inceneratorëve dhe mediat

Kjo makinë ishte blerë në Mynih me datë 21.06.2010 nga Kompania “Victoria Invest”, pronari i së cilës është dhe kumbari i vajzës së Lulzim Bashës.(Lexo ketu)

SKEMA/ Si lidhet Lulzim Basha me kompanitë e inceneratorëve dhe mediat

Lidhja e “Top Channel” me kompaninë “De Mare Srl”, bashkëpunëtore e “Victoria Invest”

“Top Channel”, i njohur si televizioni ortak me inceneratorët, ka qenë televizioni që për muaj e muaj të tërë ka bërë kronika dhe edicione për problemin e Porto Romanos.

Halli i “Top Channel”-it nuk ishin banorët dhe plehrat, por partnerët në biznes. Janë ortakët e Vjollca Hoxhës, janë ortakët e Klodian Zotos, të cilëve pas shumë kronikave në “Top Channel”, qeveria u jep 15 milionë euro për të zgjidhur një problem, i referohemi “Victoria Invest” dhe “De Mare SRL”.

Ka fakte dhe prova, të cilat tregojnë se Vjollca Hoxha është investuar fort në atë kohë për Porto Romanon, këtë e konfirmojnë dhe ish-bashkëpunëtorët e saj për CNA.

Shikoni rastin ku protestohet në Porto Romano te mbetjet. Shikoni kronikat e “Top Channel” të kohës, gjoja për mbetjet, pra është në sinkron të plotë me “Top Channel”, televizionin ortak të inceneratorëve dhe pastaj përfiton “Victoria Invest”, kompania afër Lulzim Bashës, e cila i ka dhuruar dhe makinë.

Shihet se si u ushtrua presion fort ndaj qeverisë, se si u përdor dhe opozita si bashkëpunëtore e Lulit që të bëhej një tender 15 milionë euro, ky në fakt investimi në Eco Parkun e Porto Romanos vlerësohet të jetë më pak se gjysma e vlerës totale të tij.

Lidhja Basha-“Top Channel”-Klodian Zoto nëpërmjet “De Mare SRL”, nëpërmjet “Benz”-it të dhuruar është e qartë, por këtë herë faktohet se si PD-ja e drejtuar nga Lulzim Basha përdorej për llogari të kompanive në ortakëri me inceneratorët apo me mediat që ishin bashkëpronare me to./ CNA





Lajmet e fundit nga