E fundit!

12:54 TODAY

Mero Baze also admits/ Berisha will travel to the USA

The journalist of the Veliaj family, paid by the arrested ...

“Shkundet” policia/ Paralajmëron Muhamet Rrumbullaku: Kam kërkuar reformim të plotë

2022-10-12 14:11:00, Aktualitet CNA

“Shkundet” policia/ Paralajmëron Muhamet Rrumbullaku: Kam

Drejtori i Përgjithshëm të Policisë së Shtetit, Muhamet Rrumbullaku, në takimin e mbajtur në Shkollën e Magjistraturës, gjatë prezantimit të projektit kundër trafikimit, ka folur për një reformism të plotë të Policisë së së shtetit.

“Jam i bindur se forcimi i strukturave të hetimit të krimit, është çelësi i suksesit për rritjen e efektivitetit të strukturave të posaçme të luftës kundër krimit të organizuar dhe për dokumentimin me prova ligjore të zbulimit të autorëve të ngjarjeve të rënda kriminale të ndodhura, si dhe trafikimit të qenieve njerëzore.

Mbështetur në këtë bindje, eksperiencë dhe përvojë, kam kërkuar një reformim të plotë të Policisë së Shtetit, sa ligjor, arsimor dhe strukturor, me qëllim krijimin e një trupe të aftë profesionistësh për t’u përballur me krimin dhe për të përmbushur misionin që ka Policia e Shtetit, krijimin e një ambienti sa më të sigurtë për qytetarët e vet, vizitorët dhe turistët që vizitojnë vendin tone”, është shprehur Rrumbullaku.

Sipas tij, në veprimtarinë komplekse të Policisë së Shtetit, veçanërisht për sa i përket luftës kundër trafikimit të qenieve njerëzore, ka nevojë për përmirësim të vazhdueshëm të kapaciteteve njerëzore dhe logjistike të strukturave të hetimit të krimit, si dhe për përmirësimin dhe përditësimin e tyre me metodat më të reja hetimore.

“Ne jemi të ndërgjegjshëm se institucionet e drejtësisë penale kanë një mision shumë të rëndësishëm, atë të përballjes me krimin e organizuar, i cili nuk kërkon thjesht dhe vetëm pasurimin e disa personave apo grupeve kriminale, por kërkon të sfidojë drejtësinë, rendin e sigurinë dhe të pengojë zhvillimin demokratik të vendit, ndaj është e nevojshme që të kemi oficerë të mirëtrajnuar, të aftë profesionalisht, me integritet të lartë moral dhe profesional, inteligjentë, me kurajo për t’u përballur me krimin, si dhe me aftësi të veçanta në fushën hetimeve penale”, është shprehur më tej Rrumbullaku./CNA.al