Integrimi i Shqipërisë në BE/ Marta Kos: Në fokus diskutimet mbi standardet për sundimin e ligjit

2026-03-11 19:45:00, Aktualitet CNA

Integrimi i Shqipërisë në BE/ Marta Kos: Në fokus diskutimet

Komisionerja europiane për Zgjerimin e BE-së, Marta Kos ka ndarë detaje lidhur me takimin e zhvilluar me ministrin e Jashtëm, Ferit Hoxhën.

Në postimin e saj në platformën “X”, Kos shprehet se aktualisht Shqipëria është një nga vendet kryesuese në procesin e integrimit në Bashkimin Europian. Ndërkohë bën me dije se po ecet përpara me diskutimet mbi standardet e ndërmjetme për sundimin e ligjit.

Kos shprehet se në takimin me Hoxhën ka theksuar nevojën për zbatim të besueshëm të standardeve të ndërmjetme për Shqipërinë, për të ruajtur vrullin në negociatat e pranimit. Ajo e ka cilësuar këtë si një hap të rëndësishëm për të arritur standardet e BE-së për sundimin e ligjit, anti-korrupsionin dhe demokracinë.

“Shqipëria është aktualisht një nga vendet në krye të procesit të anëtarësimit në BE. Kjo vjen me pritshmëri të larta. Tani po përparojmë me diskutimet mbi standardet e ndërmjetme për sundimin e ligjit. Me Ministrin e Jashtëm, Ferit Hoxha unë theksova nevojën për zbatim të besueshëm të standardeve të ndërmjetme për Shqipërinë, për të ruajtur vrullin në negociatat e pranimit. Ky është një hap i rëndësishëm për të arritur standardet e BE-së për sundimin e ligjit, anti-korrupsionin dhe demokracinë”, thuhet në postimin e Kos. /CNA

Albania is currently a frontrunner in the EU accession process. That comes with high expectations.

We are now progressing with discussions on the interim benchmarks on rule of law.

With Foreign Minister @HoxhaFer, I highlighted the need for credible implementation of the… pic.twitter.com/OnxJX26BRm
— Marta Kos (@MartaKosEU) March 11, 2026