LEXO PA REKLAMA!

SHKARKO APP

“I kam larë muret e shtëpisë me gjak”/ Rrëfehet për herë të parë gruaja e Pëllumb Metës për vrasjen

2024-02-24 21:40:00, Kronika CNA

“I kam larë muret e shtëpisë me gjak”/ Rrëfehet

Gruaja e Pëllumb Metës, Blerina Meta ka folur për herë të parë pas ngjarjes së tmerrshme që tronditi mbarë opinionin publik, vrasjen e bashkëshortit nga fëmijët e saj.

Ajo ka rrëfyer për emisionin Revieë në Euronews Albania. Gruaja deklaroi se prej shumë kohësh viktima ushtronte dhunë dhe i kërcënonte se do i vriste nëse njëri nga fëmijët e mbronte apo i dilte në krah asaj.

 “Së pari dua t’ju them që jam shumë e rënduar nga pikëpamja psikologjike.

Ka ndodhur një gjë shumë shumë e tmerrshme, është diçka që ka ardhur si pasojë e një dhune qoftë fizike dhe psikologjike. Ka qenë njeri shumë agresiv, kërcënime për jetën si mua dhe fëmijëve të mi. Unë dija vetëm që dhuna në familjen time ka qenë e pranishme vahzdimisht si për mua dhe për fëmijët e mi”, është shprehur gruaja.

Ajo ka treguar se në ditën e ngjarjes ka qenë duke mbjellur jonxhë dhe kur është kthyer në banesë ka mësuar për vrasjen.

“Unë do të them atë që unë di. Unë nuk kam qenë në shtëpi pasi punoj me bujqësi. Ditën e shtunë jam marrë me mbjelljen e jonxhës në periudhën që ndodhi ngjarja. Në drekë kam dalë nga shtëpia. Kur jam kthyer fëmijët nuk më kanë treguar. Jam në gjendje shumë të rënduar. Unë nuk u shqetësova atë ditë pasi im shoq punonte roje dhe herë vinte në orar, herë jo. Bënte lëvizje vazhdimisht, nuk kishte një orar specifik, mund të mos vinte dhe dy ditë rresht, mund të vinte në mëngjes, ose në 12 të drekës, pasi natën ishte në punë”, tha ajo.

Gruaja tregon se viktima ka qenë i dhunshëm, autoritar dhe qëndronte me armë në shtëpi.

 “Vajzat s’kanë guxuar të dalin njëherë në derë vetëm.  As në dyqan, asgjëkundi, njësoj si unë të shtypura. S’bëhet fjalë të flisnin me komshinjtë, gjithmonë kur ecnin kokën përtokë. Shkonin vetëm në shkollë dhe në shtëpi. Tani me një njeri që të dhunon dhe të kërcënon për jetën, padyshim që do kishin frikë dhe fëmijët. Ai kishte armë, pasi punonte roje, frikën ia kishim që të gjithë ndaj arriti kjo punë deri këtu. Një njeri që është agresiv, i dhunshëm, autoritar dhe i armatosur, është normale që ia ke dhe frikën”, tha ajo.

Më tej rrëfen se nuk e ka denoncuar për shkak se kishte frikë për veten dhe fëmijët.

 “Nuk kam bërë asnjëherë denoncim se kisha frikë nga ai njëri. Na ka mbajtur gjithmonë të shtypur, nga frika nuk shkonin as fëmijët që ta denonconin. Mua më kërcënonte dhe nëse ndonjë nga fëmijët më dilte në krah u thoshte do ju vras dhe do ju djeg të gjithëve, shkonte direkt në dhunë. Me mua e kishte të përditshme. Nuk e di sa herë i kam larë muret e shtëpisë me gjakun e kokës time”, tregoi ajo./ CNA

Lajmet e fundit nga