web counter
LEXO PA REKLAMA!

SHKARKO APP

App Store
Google Play

Aktivisti shqiptar i ndaluar në flotiljen humanitare/ Ministria e Jashtme: Është transferuar në Izrael

2026-05-20 22:07:00, Aktualitet CNA
Aktivisti shqiptar i ndaluar në flotiljen humanitare/ Ministria e Jashtme:
Baki Goxhaj

Aktivisti shqiptar, Baki Goxhaj ishte në bordin e anijeve të flotiljes humanitare me destinacion Gazën, por që u ndalua nga autoritetet izraelite.

Lidhur me ndalimin e tij, Ministria e Jashtme ka njoftuar se vazhdon të ndjekë situatën e Goxhajt, ndërsa bën me dije se ai është transferuar në Izrael.

Gjithashtu në reagimin për mediat thuhet se ambasada shqiptare në Tel Aviv është në kontakt me autoritetet izraelite dhe pritet të zhvillojë takim me aktivistin për të mundësuar kthimin sa më të shpejtë dhe të sigurt të shtetasit shqiptar në atdhe.

Reagimi i plotë: 

Ministria për Evropën dhe Punët e Jashtme vazhdon të ndjekë më vëmendje e përparësi situatën lidhur me shtetasin shqiptar, z. Baki Goxhaj, pjesëmarrës në flotiljen “Sumud”, i ndaluar nga autoritetet izraelite së bashku me të gjithë pjesëmarrësit e tjerë.

Sipas informacioneve zyrtare, ai është transferuar në Izrael.

Ambasada e Republikës së Shqipërisë në Tel Aviv është në kontakt të vazhdueshëm me autoritetet izraelite dhe së shpejti do të zhvillojë takim me z. Goxhaj, për t’i ofruar asistencën e nevojshme konsullore dhe në këtë kuadër, për të mundësuar kthimin sa më të shpejtë dhe të sigurt të shtetasit shqiptar në atdhe. /CNA





Lajmet e fundit nga