E fundit!

14:52 Aktualitet

Masat për sigurinë gjatë sezonit/ Hita: Prioritet parandalimi i krimit

Drejtori i Përgjithshëm i Policisë së Shtetit, Skënder Hit...

“Vetëm 31 milionë euro për bujqësinë”/ Berisha: Fermerët kanë vetëm një rrugë në Shqipëri, falimentim dhe largim!

15 Nëntor 2023, 18:42, Ekonomi CNA

Ish-kryeministri, Sali Berisha

Ish-kryeministri, Sali Berisha thotë se fërmerët në Shqipëri kanë vetëm një rrugë falimentim dhe largim.

Gjatë takimit me ekspertët e ekonomisë dhe departamentet e PD-së, në një tryezë diskutimi mbi buxhetin 2024, me slogan "Buxheti i shqiptarëve, tepsia e pushtetit" Berisha u shpreh se me buxhetin e përcaktuar për fermerët sot atij i thuhet ik.

“Fermerët kanë vetëm një rrugë, falimentim dhe largim. Dhe ata janë që largohen më shumë nga Shqipëria. Kurrë ndonjëherë nuk ka ndodhur një braktisje e tillë. Edhe socializmi ishte marrëzi, një çmenduri, po prapë, kanale e gjëra, para shpenzoheshin në atë marrëzi oruelliane. Kurse sot, cakton në mënyrën më cinike, 30 milionë euro për fermerin shqiptar. Ik, i thuhet, ik sa më shpejt se nuk ke pse rri këtu. Njeri i tokës është ai, për njeri toke, ai fiton si njeri toke më shumë në Greqi, Itali, Mal të Zi, Kroaci, kudo që shkon.”, tha Berisha.

Sipas Berishës ky sektor është një burim i vërtetë mirëqenie për ata që janë, dhe një burim i vërtetë eksporti për vendin.

“Buxheti që diskutuam, shëndetësinë e le më keq, arsimin edhe më keq. Fermerët, ju diskutuat, nuk besoj të ketë vend në planet, nuk besoj të ketë, që t’i japë nga buxheti 31 milionë euro gjithsej, një sektori ku jetojnë 40 përqind e shqiptarëve. Një sektori që ka një kontribut në prodhimin e brendshëm, 17 gjer në 20 përqind. Një sektori, i cili për kushtet e rrethanat e Shqipërisë, një vend plot ujë me një tokë të cilësisë më të lartë, mund të jetë gjithnjë, një burim i vërtetë mirëqenie për ata që janë, dhe një burim i vërtetë eksporti për vendin. Pra, një levë e fuqishme për ekonominë e vendit.”, tha ai.

Nuk ka sektor që është shkatërruar më shumë se sa sektori i bujqësisë, shprehet Berisha.

“Ju e thatë dhe unë e ndjek, nuk ka sektor që është shkatërruar më shumë se sa sektori i bujqësisë. Qindra e qindra milionë euro të investuara nga fermerët, të marra kredi, mund e djersë pune në emigracion, dhe në çdo formë, janë shpërbërë dhe janë zhdukur me shpejtësi të paimagjinueshme. Në vitin 2013, edhe në vitin 2013, ne ia arritëm të bëheshim eksportues qumështi. Dhe ajo ishte një arritje e madhe në vlerësimin tim. Sot jo që nuk eksportojmë, por përkundrazi mbytemi nga tregu serb, nga qumështi pluhur dhe është zhdukur çdo lloj mbështetje e ndihmë.”, tregoi ai./ CNA