web counter
LEXO PA REKLAMA!

SHKARKO APP

App Store
Google Play

E fundit!

x

Turizmi, shpallet fituesi për rrugën në Fushë Lurë, 2.44 milionë euro

4 Dhjetor 2024, 13:58, Ekonomi CNA

Turizmi, shpallet fituesi për rrugën në Fushë Lurë,

Rikonstruksioni i rrugës nga fshati Sinë në Fushë Lurë pritet të nisë tashmë pas nënshkrimit të kontratës me kompaninë fituese "Arifaj" sh.p.k. me një vlerë 2.44 milionë euro.

Në sistemin e prokurimeve të Bankës Europiane për Rindërtim dhe Zhvillim (BERZH) u bë me dije se tashmë kjo kontratë ka hyrë në fuqi dhe se zbatimi i punimeve për këtë projekt do të zërë vend deri në shtator 2025 kur pritet të përfundojnë të gjithë elementët.

Kjo rrugë është pjesë e projektit të mundësimit të turizmit dhe infrastrukturës me një vlerë 40 milionë euro që përfshin asistencë teknike dhe grante nga Bashkimi Europian dhe që plotësohet edhe nga një hua sovrane e Bankës Europiane për Rindërtim dhe Zhvillim për qeverinë shqiptare.

Fondi Shqiptar i Zhvillimit (FSHZH) njoftoi më herët gjatë këtij viti arsyet se pse do të ndërhyhet në këtë seksion dhe ku do të konsistojë konkretisht ky projekt.

Seksioni i rrugës Sine (Arras) – Fushë Lurë është pjesë e rrugës Peshkopi – Fushë Lurë dhe është aksi kryesor që lidh qytetin e Peshkopisë me Fushë Lurën dhe zona të tjera pranë këtij fshati.

Sipas FSHZH kohët e fundit kjo rrugë përdoret gjithnjë e më shumë nga turistët vendas dhe të huaj, sidomos gjatë verës, për të shijuar turizmin malor dhe atraksionet e ndryshme të zonës.

Ndaj, rehabilitimi i këtij aksi është bërë shumë i rëndësishëm dhe i domosdoshëm për tërheqjen e më shumë turistëve dhe lehtësimin e tregtisë dhe komunikimit mes banorëve të Peshkopisë dhe atyre të të gjitha fshatrave të shpërndara në zonën e Fushë Lurës.

Seksioni rrugor që do të rehabilitohet plotësisht ka një gjatësi totale prej 2,144 metrash: fillon në kryqëzimin që lidh rrugën kryesore me fshatin Sine dhe përfundon në kryqëzimin me rrugën nga Arrasi në Fushë Lurë.

Ky seksion rrugor ka nevojë për ndërhyrje serioze për forcimin e kapacitetit të ngarkesës së rrugës, ndërtimin e mureve të rinj mbajtës, pak kanale dhe punime riparimi në tobinot ekzistuese dhe një urë, si dhe punime të tjera për rritjen e nivelit të sigurisë për përdoruesit e rrugës.

Karrexhata rrugore ekzistuese e rehabilituar do të jetë 6 m e gjerë, e përbërë nga dy korsi të asfaltuara, 2.5 m e gjerë në çdo drejtim, plus 0.5 m e gjerë shpatulla në çdo drejtim. Shpejtësia e projektimit ka qenë përgjithësisht 50 km/h, megjithëse në seksione të caktuara shpejtësia e projektimit është ulur në 30 km/h./ Revista Monitor





Lajmet e fundit nga