web counter
LEXO PA REKLAMA!

SHKARKO APP

App Store
Google Play

Tkurret ekonomia gjermane

15 Janar 2025, 13:08, Ekonomi CNA

Tkurret ekonomia gjermane

Ekonomia e Gjermanisë, që është edhe më e madhja në Evropë, ka pësuar një tkurrje për të dytin vit radhazi.

Sipas të dhënave zyrtare për vitin 2024, ky ndryshim ka ndodhur pavarësisht përpjekjeve për të rikthyer rritjen ekonomike.

Prodhimi i Brendshëm Bruto i Gjermanisë ra me 0.2% vitin e kaluar, ndërsa ka shënuar një tkurrje prej 0.3% në vitin 2023.

Shifrat paraprake të publikuara të mërkurën, disa javë përpara zgjedhjeve të parakohshme, të thirrura pasi koalicioni qeverisës i Gjermanisë u shpërbë në fund të vitit të kaluar për shkak të mosmarrëveshjeve, në të cilat ekonomia është çështja kryesore.

Shpresa është që qeveria e re gjermane të vendosë për një plan afatgjatë për reformat ekonomike dhe investimet.

Gjermania po lufton me një krizë në industrinë e saj të automobilave të nxitur nga konkurrenca kineze dhe një tranzicion i shtrenjtë drejt makinave elektrike, krahas kostove të larta të energjisë dhe kërkesës së vakët të konsumatorëve.

Gjermania në fakt nuk ka parë rritje ekonomike domethënëse që nga fillimi i pandemisë, me prodhimin industrial që qëndronte më shumë se 10 për qind nën kulmin e tij ndërsa papunësia ka filluar të rritet përsëri pasi ra në nivele të ulëta rekord./ CNA





Lajmet e fundit nga