web counter
LEXO PA REKLAMA!

SHKARKO APP

App Store
Google Play

Rritja e pagave/ Raporti i INSTAT: Aktivitetet financiare dhe të sigurimit kryesojnë

15 Mars 2026, 21:36, Ekonomi CNA

Rritja e pagave/ Raporti i INSTAT: Aktivitetet financiare dhe të sigurimit

Sektori i pagesave ka pësuar një rritje të konsiderueshme gjatë vitit 2025, krahasuar me vitin paraardhës. Paga mesatare bruto për një të punësuar arriti 86,984 lekë duke shënuar një rritje me 4.3% duke e krahasuar me një të njëjtën periudhë të vitit 2024.

Sipas INSTAT, sektorët më paga më të larta vijojnë të jenë aktivitet financiare dhe të sigurimit 173.283. Po ashtu edhe sektori i informacionit dhe komunikacionit 131.165 lekë.

Sipas profesioneve rritja më e lartë është shënuar tek Forcat e Armatosura me 10.6%. Gjithashtu ndryshim të pagave pati edhe në pjesën tjetër të administratës, duke rritur pagën e specialistëve, bluzave të bardhe dhe mësuesve.

Në tremujorin e katërt të vitit 2025, shkalla e pjesëmarrjes në forcat e punës, për popullsinë 15-64 vjeç arriti 75,9 %. Krahasuar me tremujorin e katërt të vitit 2024, ky tregues është rritur me 0,4 pikë përqindje.

Por nga ana tjetër krahasuar me tremujorin e mëparshëm, ky tregues është ulur me 0,6 pikë përqindje, dhe kjo sepse  vendi ynë karakterizohet në ekonomi ciklike, ku sezoni i verës jo vetëm që rrit numrin e të punësuar por edhe të të ardhurave në buxhetin e shtetit.

Ndërsa në bujqësi, numri i të punësuar gjatë 2025 pësoi një rënie prej -9.7 %. I njëjti trend shfaqet edhe tek numri i të punësuarve në industri, duke shënuar një bilanc negativ -0.7%

Rritja e pagave nuk i josh shqiptarët të punësohen në bizneset e hoteleri turizmit, për këtë arsye shumë prej këtyre bizneseve stafin e kanë gjetur nga vendet e treta. /CNA





Lajmet e fundit nga