web counter
LEXO PA REKLAMA!

SHKARKO APP

App Store
Google Play

Rritet numri i kredive/ Sejko: Kapi nivelet më të larta të më shumë se një dekade

2 Tetor 2024, 17:02, Ekonomi CNA
Rritet numri i kredive/ Sejko: Kapi nivelet më të larta të
Guvernatori i Bankës së Shqipërisë, Gent Sejko

Guvernatori i Bankës së Shqipërisë, Gent Sejko, në një konferencë për mediat ka zbuluar se është rritur numri i kredimarrjeve në sektorin privat.

Sejko tha se ritmi i rritjes kulmoi në nivelin 16.8% në muajin gusht, duke kapur nivelet më të larta në më shumë se një dekadë.

Gjithashtu, ai bëri të ditur se gjatë muajve të fundit është vënë re dhe një riaktivizim i kreditimit në valutë.

“Kredia për sektorin privat shënoi një përshpejtim të mëtejshëm gjatë muajve korrik – gusht. Ritmi i rritjes kulmoi në nivelin 16.8% në muajin gusht, duke qëndruar në nivelet më të larta të më shumë se një dekade. Kjo kredi ka vijuar të mbulojë nevojat e biznesit dhe të familjeve shqiptare për zgjerimin e konsumit dhe të investimeve të tyre, duke dhënë një kontribut në rritje në zgjerimin e aktivitetit ekonomik. Zgjerimi i kredisë vijon të mbështetet – në masën më të madhe – nga zgjerimi i portofolit të kredisë në lekë. Megjithatë, gjatë muajve të fundit është vënë re dhe një riaktivizim i kreditimit në valutë”, theksoi Sejko./ CNA

 





Lajmet e fundit nga