Zjarri në Parkun Kombëtar të Prespës/ Kryebashkiaku: Gati plani i ndërhyrjes për shuarjen e flakëve

26 Korrik 2025, 19:22, Aktualitet CNA

Zjarri në Parkun Kombëtar të Prespës/ Kryebashkiaku: Gati

Një vatër zjarri nisi pasditen e kësaj të shtune në Parkun Kombëtar të Prespës, në zonën e Pustecit.

Kryetari i Bashkisë Pustec, Pali Kolefski tha se moti dhe thatësira kanë ndikuar në përhapjen e shpejtë të flakëve.

Lidhur me situatën, Kolefski theksoi se është duke u bërë një plan ndërhyrjeje, teksa vijon puna prë zbardhjen e shkaqeve të zjarrit.

“Që në momentet e para që u lajmëruam, ka qënë reagim i shpejtë, por moti dhe kjo thatësirë ka favorizuar përhapjen e tij. Zjarri ka zënë në një pjesë ku ka bimësi të ulët dhe ajo çka e vështirëson ndërhyrjen është se nuk ka rrugë kalimi. Ne u munduam me të gjitha mjetet që kemi, qoftë edhe me zjarrfikëse, kemi patur ndihmë edhe nga Bashkia e Pogradecit. Kanë qënë këtu zjarrfikeset e bashkisë tonë, zjarrfikëset e Pogradecit, punonjësit e shërbimeve, zona e mbrojtur. Ne jemi duke bërë një plan ndërhyrjeje për nesër në orët e para të mëngjesit, ky është edhe mendimi i specialistëve që kjo mund të jetë më efikase. Sipërfaqja e djegur është goxha e madhe, por nuk mund të them një shifër, terreni është shumë i vështirë, goxha i thepisur, bimësia e dendur nuk e lejon ndërhyrjen. Fillimisht sipas specialiatëve, Ministrisë së Brendshme dhe Policisë, zjarri ka nisur këtu në rrugë, pas nesh. Nuk e di nga pakujdesia ose zjarrvënie e qëllimshme, këtë ngelet ta vërtetojnë ata”,-tha Kolefski./CNA

Drejtori i AdZm-së, Gjergji Koki tha se fllimisht ëshë menduar të bëhet izolimi perimetral i vatrës për të mos agravuar situatën.

"Fatkeqësisht është viti i dytë që ndodh një situatë zjarri më këtë lloj përmase, por shpresojmë që nga eksperienca e vitit të kaluar të kemi nxjerrë mësimet tona. Reagimi i administratës ka qënë i menjëhershëm. Ne kemi qenë në gatishmëri si administratë, jo vetëm këtu, por edhe në zonat ku janë jashtë përgjegjësisë tonë, kemi qënë të gatshëm për të kontribuar. Gjithë admiistrata, gjithë specialistet janë këtu, në terren që në momentet e para të zjarrit. Jemi ndarë në 2 grupe pune së bashku me bashkinë dhe me ndihmat e tjera që kanë ardhur nga punonjesit e shërbimeve dhe qytetarë të tjerë që kanë dhënë kontributin e tyre për të bërë të mundur izolimin perimetral të vatrave të zjarrit duke u munduar të krijojmë kordonet e para, për të mos agravuar e për të mos u hapur në gjerësi vatra e zjarrit.

Terreni është i vështirë, bimësia është e ulët. Fatmirësisht nuk kemi depërtim të zjarrit në bimësi të lartë, e cila është në pjesën sipër. Jemi duke bërë një vlerësim të situatës, pasi edhe punonjësit janë të ezauruar, por edhe kushtet janë tepër të rrezikshme për të vazhduar ndërhyrjen. Po bëjmë një vlerësim për të nisur sërish një aksion me struktura të tjera për të bërë të mundur që herët në mëngjes, rreth orës 4 të mëngjesit të kemi një lloj mundësie për të bërë një rikonuicion më të mirë të situatës e më pas për të ndërhyrë, për të bërë sa mundemi me forcat tona e mundësitë që ne kemi.

Terreni është shumë i vështirë, por vullneti ynë dhe përgjegjesia maksimale që ka secili për të ruajtur mjedisin besoj do prevalojë e do bëjë të mundur që të bëjmë më të mirën tonë, për të mos patur agravim më të madh të situatës me zjarret. Që në momentin e parë edhe kordinatoret tanë në Agjensinë e Zonave të Mbrojtura, ku është kontaktuar menjëherë me koordinatorin përgjegjës për situatat e risqeve të tilla por për shkak se vendi jonë në këto lloj temperaturash eshtë nën trysninë e zjarreve dhe kudo ka zjarre, prioritet janë zonat e banuara.

Na është thënë që për momentin të mos presim asnjë mbështetje nga ajri, por të mundohemi që me gjithë mundësitë që ofrohen këtu lokalisht, me bashkitë fqinje dhe nga bashkitë e qarkut të kemi suport tokësor. Kjo është e mundur për momentin. Më pas do të komunikojmë edhe me partnerët tanë përballë, por edhe ata kanë një protokoll specifik kur aktivizohet mundësia e ndërhyrjes. Shpresoj të mos kemi situata si ajo e vitit të kaluar dhe ta izolojme në kohë”,-tha Koki./CNA